КАРИЕРА ВО ВИНЕР

Центар за кариера

ВИНЕР Осигурување е осигурителна компанија која е во сопственост на Vienna Insurance Group – Wiener Städtische, една од најголемите осигурителни групации во Централна и Источна Европа, составена од над 50 компании во 25 земји, со 25 илјади вработени, повеќе од 20 милиони задоволни клиенти и традиција преку 190 години во осигурителниот бизнис. Групацијата е рангирана со „А+“ според Standard & Poor’s, што е показател за безбедноста и сигурноста што ја имаат нејзините осигуреници.

Се стремиме да ги привлечеме, мотивираме и задржиме кај себе исклучителните луѓе, покажувајќи почит кон нивната работа и резултати. Веруваме во личната иницијатива, одговорност и тимска работа. Континуирано бараме чесни и вредни луѓе кои се посветени на работата. За тоа овозможуваме најконкурентен систем на наградување и обезбедуваме постојана надградба, едукација и кариера во ВИНЕР, а во рамките на интернационалниот развој и во VIENNA INSURANCE GROUP.

Како компанија со континуиран раст и развој во сите свои сегменти, поради зголемениот обем на работа, ВИНЕР има потреба од искусни и амбициозни луѓе кои заслужуваат да работат во најдобри услови и со најдобри ресурси.

Од таа причина, ВИНЕР повикува да се пријават сите заинтересирани кои ги исполнуваат критериумите за следниве позициите:

 

Доколку сте лидер, имате тимски дух и сакате да бидете дел од успешна комапнија која што постојано се стреми кон креирање на работна средина каде што вработените ќе може да се развиваат и да напредуваат во својата кариера и каде што изнаоѓањето и задржувањето на вистинските луѓе е една од многуте причини за континуираниот успех на Винер Осигурување, ова е вистинската можност за Вас.
Винер осигурување има потреба од искусен HR менаџер кој што ќе биде одговорен за имплементирање на стратегии и процеси во компанијата, со посебен фокус на регрутација, селекција, перформанс на вработените и поврзување на раководниот кадар, тимовите и работниците.

Опис на работното место/одговорности:
• Имплементирање и управување со процесите за селекција и регрутирање на кадарот како и менаџирање на процесите за интервјуирање и оценување, развој на вработените;
• Утврдување на потреба од кадар и координирање на процесите за распишување на огласи за работни места;
• Работа на развој на тимовите, советување на менаџментот на друштвото за одлуките кои треба да се донесат и спроведат во врска со прашања кои произлегуваат од областа на човечките ресурси;
• Координација во подготовка на правилници и акти на друштвото за регулирање на делот на човечките ресурси;
• Следење на законската регулатива во делот на човечките ресурси;
• Развивање, имплементација и спроведување на политики, нови правила и процедури за човечки ресурси во друштвото, вклучувајќи програми за обука и едукација и промовирање на свест за одговорност, квалитет во извршување на работните задачи со цел унапредување и развој на друштвото;
• Управување со дисциплинските процеси и мерки, предлагање на одлуки и предлози за изрекување на деловни решенија во доменот на човечките ресурси.

Кандидатите треба да ги исполнуваат следниве услови:
• ВСС/МР, економски или правен факултет;
• Минимум 3 години работно искуство во сектор за човечки ресурси;
• Добри организациски и комуникациски вештини,
• Одлично познавање на англиски јазик,
• Способност за работа во динамична средина,
• Способност за работа под притисок и препознавање на ризикот во работењето,
• Компетентност за градење и ефикасно управување со меѓучовечките односи во сите нивоа на компанијата,
• Развиени преговарачки способност,
• Вештини за пренос на знаење, ориентираност кон постигнување цели и тимска работа
• Поседување на личен кредибилитет, интегритет и достапност,
• Возачка дозвола - Б категорија

Нудиме:
• Конкурентна плата и бонус пакети
• Професионален и пријателски тим
• Работа со полно работно време
• Можност за кариерен развој
• Стимулативно работно опкружување
• Работење во компанија која е дел од интернационална осигурителна групација

Работно време: понеделник до петок од 08:00 до 16:00 часот, 40 часа неделно, работа во една смена – претпладне.

Заинтересираните кандидати кои ги исполнуваат горе наведените услови потребно е да испратат резиме (CV) и мотивационо писмо со наведување на работното место, како и дополнителни документи (уверенија, дипломи, препораки) за исполнување на условите, по електронска пошта на kariera@winner.mk или да ги достават лично документите на адреса: бул. Борис Трајковски 62, Скопје.
Само апликантите кои ќе влезат во потесен круг, ќе бидат контактирани.

Сите останати заинтересирани кандидати за други работни позиции се добредојдени да ги достават своите куси биографии и мотивациони писма на kariera@winner.mk, во било кое време. Тимот на ВИНЕР ОСИГУРУВАЊЕ Ви стои на располагање за било какви дополнителни прашања кои може да ги испраќате на истата адреса за електронска пошта.

Најквалитетните ги заслужуваат најдобрите услови. Бидете и Вие дел од тимот на ПОБЕДНИЦИТЕ!

ВАЖНО: Личните податоци кои ни ги доставуваат кандидатите при конкурирањето на отворените огласи кои ги објавува Винер се чуваат за потреби на регрутација и селекција. Доколку некој од кандидатите не се согласува неговите податоци да бидат чувани, треба да го наведе тоа во e-mail пораката при доставувањето на документите, по што податоците ќе бидат избришани од нашата база на податоци во рок од една недела.

НАШАТА СТРАТЕГИЈА ЗА ЧОВЕЧКИ РЕСУРСИ

Еден од столбовите на стратегијата за континуиран и стабилен раст на Винер Осигурување е постојаното вложување во регрутација, селекција и едукација на човечките ресурси. Во секоја од овие фази, компанијата се раководи од иновативни принципи кои нудат пријатно искуство за кандидатите, пријатна работна средина за регрутираните и напредни обуки за вработените.

Во делот на регрутација Винер Осигурување, во најголем дел се потпира на младите талентирани луѓе кои покажуваат интерес за динамична работа и желба за кариера во компанијата. Потпирајќи се на напредните политики за развивање на човечките ресурси, компанијата не ја зема како клучна претходната наобразба и искуство на кандидатите.

Во делот на селекцијата, ново-вработените имаат можност своите афинитети и способности да ги потврдат на соодветни работни задачи, и во координација со одговорните лица за човечките ресурси да го изберат правецот во кој м0жат најмногу да ја развијат својата кариера, односно да постигнат најголем личен и професионален развој.

Во делот на обуката Винер осигурување обезбедува редовни теоретски и практични обуки, внимателно адаптирани на работните задачи на вработените. Покрај редовните обуки во рамки на компанијата, на вработените во Винер на располагање им е можноста за надградени обуки во Австрија во рамки на Виена Иншуренс Груп, Групацијата на која Винер припаѓа.

За квалитетот на управувањето со ЧР, говори и податокот дека над 70% од лицата кои првото работно искуство/пракса ја имале во компанијата останале на работа во Винер. Овие лица сочинуваат над 30% од вкупниот број вработени во компанијата. Тоа зборува за капацитетот на компанијата во развојот на човечките ресурси, но и изборот на Винер меѓу младите како најпосакуван работодавач.

TOP