WINNER News and Events

Соопштение за јавност: Винер Осигурување ги зголеми приходите за 41% во 2011 година

2/6/2012 12:00:00 AM

Винер Осигурување им го честита историскиот успех на македонските ракометари.

1/28/2012 12:00:00 AM

Честитајќи им го освојувањето на историското 5-то место на Европското првенство во ракомет на нашите репрезентативци, горди сме што бевме дел од прекрасната победничка атмосфера во изминатите две недели, првенствено како граѓани на Република Македонија, како верни навивачи и како спонзори на ракометната репрезентација на Македонија.

На нашите момчиња им благодариме што ги исполнија нашите срца со радост и што ја потврдија исправноста на нашата одлука, како компанија да застанеме зад нив, и да бидеме дел од нивните успеси. Денес сме горди што логото на нашата компанија стои на дресовите во кои до последен атом сила се бореа и се изборија за еден од најголемите спортски успеси во нашата историја.

Нивното залагање, посветеност, пожртвуваност и професионалност се пример за однесување на секој поединец, во секоја област, а критериумите кои ги поставија ги прифаќаме како неизбежни стандарди според кои треба да се води секој кој себе си се гледа како Победник.

Во изминативе денови Винер Осигурување посветено ги следеше сите случувања околу нашата ракометна репрезентација, и активно се вклучи во нив. Беа обезбедени специјални промотивни осигурителни пакети за сите оние кои беа да ја бодрат нашата репрезентација во Ниш и Белград. Беа обезбедени голем број на промотивни материјали и навивачки реквизити кои беа поделени на навивачите ширум републиката. Голем дел од нашите вработени го користеа слободното време да им дадат поддршка на нашите ракометари на трибините, а атмосферата која ја враќаа со себе од тие патувања беше бесценета за нашиот колектив и зацврснувањето на тимскиот дух.

Затоа, длабоко сме уверени дека соработката на нашата компанија со ракометната репрезентација на Македонија ќе продолжи да се надградува, и дека ќе биде поттик повеќе за нови и уште поголеми успеси, затоа што Винер Осигурување е секогаш со Победниците!

Винер го испрати македонскиот навивачки караван за Ниш

1/15/2012 12:00:00 AM

Стотици возила со навивачи од цела Македонија денес заминаа на Европското ракометно првенство во Ниш. Огромен број на знамиња, дресови, шалови и други навивачки реквизити, здружена песна и заедничко бодерење пред натпреварот со Шведска – тоа беше прекрасната атмосфера што можеше да се забележи на граничниот премин Табановце.

За се да биде во најдобар ред се погрижија одлично организираните служби на МВР и Царината, по чија заслуга, и покрај огромниот број на возила, немаше никаков застој.

Винер Осигурување, како спонзор на ракометната репрезентација и докажан пријател на спортот, се погрижи уште повеќе да им го разубави денот на македонските навивачи кои заминуваа за Ниш. Компанијата обезбеди голем број на навивачки реквизити – балони, капчиња, шалови и други подароци за сите кои денес патуваа преку граничниот премин Табановце. Беа обезбедени и налепници за автомобилите, за сите оние кои го заборавиле овој неопходен елемент за секое патување во странство.

Оваа акција на Винер Осигурување наиде на големо одобрување и воодушевување кај македонските навивачи, кои во одлично расположение ги отпоздравуваа хостесите на Винер и направија голем број заеднички фотографии со нив.

Поради големиот интерес, планирано е оваа акција да се повтори и во еден од следните денови за време на натпреварите на нашата ракометна репрезентација.

Останува уште сите заедно да ја оддржиме оваа прекрасна атмосфера во целиот тек на првенството и да ги бодриме нашите репрезентативци, кои, веруваме, ќе не израдуваат со одлични резултати.

„Секогаш со Победниците!“ - Винер на Европското првенство во ракомет.

1/14/2012 12:00:00 AM

И на почетокот на 2012, Винер ја продолжува својата приказна за поддршка на успешните, овој пат од областа на спортот. Соработката на компанијата со Ракометната федерација на Македонија деновиве е мошне актуелна поради претстојното Европско првенство во ракомет, кое се оддржува во Србија, а на кое свој белег ќе остави и ракометната репрезентација на Македонија.

Винер е една од компаниите кои се и официјални партнери на ракометната репрезентација, па така во овој период голем дел од промотивните активности на компанијата се директно поврзани со претстојното Европско првенство. Меѓу другото, Винер Осигурување подготви специјални навивачки реквизити кои беа поделени на најверните навивачи на ракометната репрезентација кои ќе патуваат за Ниш. Компанијата ќе биде и дел од навивачкото катче во Ниш, кое ќе биде централно собиралиште на сите наши навивачи кои деновиве ќе престојуваат таму. Сите промотивни материјали во овој период се посебно брендирани со обележја поврзани со македонската ракометна репрезентација и Европското првенство, а мотото на оваа промотивна кампања за поддршка на нашите репрезентативци е – „Секогаш со Победниците!“.

Покрај ова, нашите репрезентативци ќе имаат поддршка директно и од трибините, бидејќи дел од вработените во Винер Осигурување, како и пријателите, партнерите и соработниците на компанијата ќе бидат присутни на натпреварите во Ниш и ќе ја бодрат Македонија до, веруваме, уште еден историски спортски успех.

ГАЛЕРИЈА – Предновогодишна прослава на Винер Осигурување

12/21/2011 12:00:00 AM

Фотографии од големата предновогодишна прослава на Винер Осигурување беа објавени и на познатиот портал Каде Вечер, како еден од позначајните настани во градот во тој период. Објавените фотографии можете да ги погледнете на следниов линк:

ВИНЕР ВО МЕДИУМИТЕ – декември 2011

12/18/2011 12:00:00 AM

„Винер осигурување“ со 100.000 нови корисници – Нова Македонија (16.12.2011)
[Линк до оригиналната вест]

„Винер осигурување“ годинава доби 100.000 нови корисници – Дневник (15.12.2011)
[Линк до оригиналната вест]

Винер осигурување со 100.000 нови корисници – Вечер (15.12.2011)
h[Линк до оригиналната вест]

Винер осигурување со 100.000 нови корисници - Алфа ТВ (15.12.2011)
[Линк до оригиналната вест]

Винер осигурување со 100.000 нови корисници во 2011 година – МТВ (15.12.2011)
[Линк до оригиналната вест]

Ѕвездите во успешна соработка со Винер Осигурување – РадиоМК (15.12.2011)
[Линк до оригиналната вест]

Винер осигурување со 100.000 нови корисници – Каде Вечер (15.12.2011)
[Линк до оригиналната вест]

Галерија Слики

НАСТАНИ – Голема предновогодишна прослава на Винер Осигурување

12/16/2011 12:00:00 AM

Во друштво на пријателите, клиентите, соработниците, и многу гости од јавниот живот, Винер Осигурување, на 14 декември во Роџер Пијано, ги прослави одличните деловни резултати постигнати во 2011 година. Новите 100.000 клиенти кои одбраа да се осигураат токму во Винер Осигурување, беа еден од главните поводи за оваа незаборавна забава, на која околу 700 гости уживаа во настапите на Пепи Ренџов, Некст Тајм, Ѓоко Таневски и Влатко Лозаноски.

Уште од самиот почеток на прославата, забележителен беше големиот интерес што овој настан го предизвика кај сите поканети. Веќе до 21 часот, кога генералниот директор на Винер Осигурување, г-дин Зоран Нарашанов им се обрати на присутните, обата спрата на салата беа полни со гости. По кусиот поздравен говор гостите имаа можност да се забавуваат со маестро Пепи Ренџов, кој одлично ги загреа гостите за главните гости на вечерта – Некст Тајм, Ѓоко Таневски и Влатко Лозаноски.

Освен споменатите, на прославата на Винер Осигурување можеа да се видат и други познати лица од естрадата, спортот, како и претставници на најголемите компании во државата, кои имаа само пофални зборови за организацијата. Забавата траеше до некаде после полноќ, а подиумот за играње беше полн до последните звуци. Целата вечер помина во мошне пријатна и забавна атмосфера, а насмевките на лицата на сите присутни и честитките на крајот на забавата уште еднаш потврдија дека Винер Осигурување навистина знае да се грижи за своите пријатели, и кога работата и кога дружењето е во прашање.

Галерија Слики

-------

---------

----------

-----

----------------------------------

Соопштение за јавност: Винер Осигурување со 100.000 нови осигуреници

12/15/2011 12:00:00 AM

Соопштение за јавност - Резултати од првата половина за 2011

9/5/2011 12:00:00 AM

Излезе од печат новиот профил на компанијата за 2011

8/17/2011 12:00:00 AM

Винер Осигурување го зголеми пазарниот удел за 50 проценти

7/1/2011 12:00:00 AM

13ти надзорен одбор: Винер Осигурување со извонреден раст на пазарниот удел

6/2/2011 12:00:00 AM

Винер Осигурување со стопроцентен раст во првиот квартал од 2011 година

4/8/2011 12:00:00 AM

Скопје, 06.04.2011

Финансиските резултати на Винер Осигурување – Виена Иншуренс Груп остварени во првиот квартал од годинава покажуваат дека компанијата остварила огромен раст и пораснала двојно во однос на првиот квартал од 2010 година. Истовремено, уште една добра вест за клиентите на компанијата е беспрекорното реосигурително учество што претставува основ за доверба, сигурност и стабилност. Соодветен пораст и динамика се реализирани и во однос на ефикасноста на решавањето штети, со цел на клиентите да им се обезбеди квалитетна и брза услуга.

Растот на компанијата е проследен со зголемување на човечките ресурси и проширување на бројот на продажни места, кој достигна 40 деловни единици, од кои три се отворени во првиот квартал од 2011.

„Во изминатиов период, со остварените резултати, постојано ги натфрламе поставените деловни проекции иако многумина ги оценија како преоптимистични уште на почетокот. Продолжуваме да растеме, продолжуваме да се шириме – сé повеќе луѓе му се приклучуваат на нашиот тим, бидејќи го препознаа како победнички. Имаме голем број на млади, перспективни луѓе, најдобри во својата генерација и ги повикувам сите кои се сметаат себеси за такви да ни се придружат“ – вели Генералниот директор на Винер Осигурување, г-дин Зоран Нарашанов.

Компанијата, веќе подолг период, продолжува да покажува растечки тренд проследен со одлични резултати и неоспорно е дека за кратко време Винер Осигурување ќе биде темел на стабилноста и квалитетот на македонскиот осигурителен пазар.

12ти надзорен одбор: Винер Осигурување со најголем раст на македонскиот осигурителен пазар во 2010 година

3/24/2011 12:00:00 AM

Интервју со Зоран Нарашанов, Генерален директор и Претседател на УО на Винер Осигурување, „Вечер“ 05.03.2011 година

3/8/2011 12:00:00 AM

Луѓето се повеќе го препознаваат нашиот бренд

За тоа говорат и резултатите од првите два месеца во оваа година кои покажуваат раст од 100 насто во однос на истиот период лани. Доказ дека сме на вистинската патека е и задоволството на Виена Иншуренс Груп со работењето на Винер Осигурување, што беше поттик да се решат на нова директна инвестиција на нашиот пазар и да ја оформат новата компанија за животно осигурување Винер ЛАЈФ, која веќе започна со работа, вели Нарашанов

Господине Нарашанов, ако до скоро за Винер Осигурување се зборуваше како за нов домашен осигурителен бренд, во последно време, општ е впечатокот дека неочекувано брзо станавте важен фактор кој цврсто се позиционираше на осигурителниот пазар.
- Мошне ми е мило ако е така. Знаете, кога сте во центарот на работите, посебно ако станува збор за динамични промени, се случува да немате време да застанете и да направите пресек на сето она што сте го работеле во претходниот период и на резултатите од сиот тој труд. Иако во секој момент бевме уверени дека одиме во вистинска насока, и дека големиот труд што го вложуваше нашиот тим во секој сегмент од работата нема да остане ненаграден, дури по сведувањето на финансиските резултати можевме да си дозволиме краток миг на сатисфакција. Иако краток, тој момент и тој начин на самопотврда веројатно е најслаткиот и единствениот реален.

Резултатите што Винер Осигурување ги покажа во 2010 година се прилично импресивни, раст од 23 насто, 170 милиони денари исплатени штети, ширење на продажната мрежа, моќна реосигурителна програма.

Ќе биде вистински предизвик да ги повторите овие резултати и во 2011 година. Мислите ли дека ќе успеете?
- Тоа е голем предизвик. Осигурителниот пазар кај нас е толкав колкав што е, колку што ние како еснаф успеавме да го креираме, едуцираме и негуваме. Тоа се реални услови и со кои мораме да се соочиме, и тука нема простор за "плачење". Од друга страна, во прилог ни оди фактот дека луѓето се повеќе почнуваат да го препознаваат нашиот бренд. Брендот, тоа се вредностите кои ги промовираме и токму нив луѓето ги препознаа. За тоа говорат и резултатите од првите два месеца во оваа година кои покажуваат раст од 100 насто во однос на истиот период од минатата година. Но, повторно, не смееме да дозволиме тоа да не опушти, напротив - тоа е нова доверба од нашите клиенти која ни е подарена и сега треба да работиме уште повеќе за и неа да ја оправдаме.

Имам чувство дека се обидувате да ја избегнете еуфоријата кога зборувате за резултатите на Винер Осигурување, зошто?
- Нема простор за еуфорија. Морате постојано да работите на подобрување на услугите што му ги нудите на клиентот и не постои таков резултат кој може да ве ослободи од таа обврска. Огромна предност е тоа што, зад нас стои Виена Иншуранс Груп, најголемата осигурителна групација во Централна и Источна Европа, и колку и да се добри нашите резултати, ние мораме напорно да работиме за да бидеме во чекор со стандардите што ова менторство ни ги наметнува.

Имајќи увид во причините кои директно влијаеја врз резултатите на Винер Осигурување, што би издвоиле како најзначајно?
- Најпрво би ја истакнал новоосмислената деловност која ни ја откри партнерството со Виена Иншуренс Груп, и која Винер Осигурување ја промовираше на домашниот осигурителен пазар. Станува збор за прочуената австриска прецизност, за професионалност која не е статична, туку постојано се развива и надградува, за ефикасност која е ориентирана на динамичното секојдневие на клиентот, за флексибилноста која нуди одговор на сите потреби на клиентот, и конечно за искреното почитување и деловната посветеност која ја негуваме во компанијата и кое е основа да ги исполниме сите претходно наведени деловни принципи. Суштествено, во центарот на сите овие процеси се луѓето и, на крајот на денот, нашите резултати не се ништо друго освен производ на посветеноста на нашите вработени.

Што значи присуството на Виена Иншуренс Груп за македонскиот осигурителен пазар?
- Присуството на ВИГ за македонскиот пазар значи присуство на светски стандарди во осигурителната дејност. ВИГ е синоним за квалитетно осигурување, за сигурност, безбедност, чесност, знаење, стабилност. Групацијата зад себе има традиција од 186 години, и кај нив ништо не се случува неплански и стихијно. Токму поради тоа постојано нагласувам дека, да се биде дел од Виена Иншуренс Груп е голема одговорност за Винер Осигурување. За нашата компанија ова партнерство значеше целосна промена на начинот на работа и давање услуги, а искрено се надевам дека на тој начин ќе реагира и целиот осигурителен пазар, посебно сега кога нашата нова деловна филозофија се покажува како исклучително успешна.
А филозофијата во осигурувањето е навидум едноставна, но тешка за остварување. Да се постави рационален пристап кон пласманите на средствата, фокус кон реални приходи и да не се креираат виртуелни премии. На домашниот пазар му е неопходен споменатиот деловен пристап, и верувам дека присуството на ВИГ е голем чекор во таа насока. Трансферот на знаење, корпоративните стандарди и пристапот до европската регулатива кои за нас станаа достапни преку партнерството со ВИГ, сега преку нас се достапни на осигурителниот пазар и тоа е бенефит за сите нас.

Да ги конкретизираме малку работите, што точно е она што мислите дека ве прави различен и подобар избор од конкуренцијата?
- Имаме тим составен од професионалци во струката кои се кадарни да ги изнесат сите усогласувања на деловните принципи со оние на нашите австриски партнери, и од млади луѓе кои се носители на динамиката која ја бара новото време и кои имаат капацитет и желба за напредување и достапни ресурси да успеат во тоа. Флексибилни сме во нашите понуди и оставаме простор клиентот да учествува во нивното креирање. Имаме најголема мрежа на филијали која не прави блиски до секој дом. Имаме контакт центар преку кој, не само што може да ги добиете сите корисни информации, туку можете и директно да склучите полиса за осигурување. Во моментов, на пример, имаме промоција на домаќинско осигурување, кое покрај тоа што е најконкурентно на пазарот, со премија од 5 денари на ден, се склучува телефонски на бројот 02/15 999, а полисата ја доставуваме на посакуваната адреса. Сето тоа се индикатори на нашата стратешка определба. Нашите клиенти тоа го препознаа и со задоволство го прифатија. И суштествено, нашето реосигурително покритие ги прави целосно спокојни и сигурни сите кои имаат полиса на Винер.

Кои Ви се плановите за иднина?
- Првенствено, да продолжиме со посветената, чесна и одговорна работа. Доказ дека сме на вистинската патека е и задоволството на Виена Иншуренс Груп со работењето на Винер Осигурување, што беше поттик да се решат на нова директна инвестиција на нашиот пазар и да ја оформат новата компанија за животно осигурување Винер ЛАЈФ, која веќе започна со работа. Во меѓувреме, постојано го надоградуваме тимот со млади и перспективни луѓе. Спремни сме да им понудиме шанса за докажување на сите оние што сметаат дека можат да дадат придонес на нашата работа. Идејата е да создадеме компактна екипа која постојано професионално ќе се развива и надградува и ќе биде имуна на локалните деловни "болести".
Развојот на луѓето за нас е клуч за успехот во иднина и за нашиот континуиран автентичен развој. Основна цел ни е Винер да биде синоним за квалитет, сигурност, стабилност, едноставно вистинско осигурување. Нашите клиенти добиваат беспрекорно квалитетено осигурување со рационална цена, за кое нема алтернатива. Нашата блискост до нив, дополнета со динамичното, експресно решавање на штетите е основ да ни ја подарат довербата да се грижиме за сигурноста на нивниот имот, возила, дејност, бизнис.

[Соопштение за медиуми] Винер Осигурување со стопроцентен раст во однос на почетокот на 2010 година

3/3/2011 12:00:00 AM

Дека одличните резултати на Винер Осигурување во 2010 година не се случајни покажуваат и резултатите остварени на почетокот од оваа година. Имено, во првите два месеци од 2011 година, осигурителната компанија оствари раст од извонредни 100% во однос на истиот период во 2010 година. Овој податок јасно говори дека Винер Осигурување сериозно се позиционираше на пазарот и стана препознатлив бренд, во кој граѓаните имаат доверба.

Генералниот директор на Винер Осигурување – Виена Иншуранс Груп, Зоран Нарашанов, причините за успехот ги гледа најмногу во новата, преосмислена деловност што компанијата ја промовираше, како и во скратените административни процедури кои им ги нуди на своите клиенти.

„Луѓето веќе почнаа да ги препознаваат деловните принципи според кои функионираме – австриската прецизност, професионалноста и одговорноста. Покрај тоа, достапноста и едноставниот начин на склучување на полиси е нешто што многу им значи на клиентите во овие брзи времиња. Имаме најголема мрежа на филијали, блиску до секој дом. Голем чекор напред направивме и со контакт центарот кој ги прави сите информаци и услуги достапни за клиентот со само еден повик на 02/15 999“ – вели тој.

Новост од Винер Осигурување е и промотивниот пакет за осигурување на домот и покуќнината, со кој граѓаните ќе може да се осигураат од кражба, пожар, експлозија, земјотрес и други ризици, за само 5 денари на ден. Покрај поволната цена на овој осигурителен пакет, Винер на своите клиенти им нуди можност осигурувањето да го склучат телефонски, на бројот 02/15 999, а полисата да им биде доставена на посакуваната адреса веднаш по склучувањето.

[Соопштение за медиуми] Во 2010 година Винер Осигурување со раст од над 23 проценти

1/30/2011 12:00:00 AM

Осигурителната групација Виена Иншуранс Груп (ВИГ) ги објави резултатите од работењето во 2010 година, во кои може да се види дека компанијата забележала значителен пораст на премијата за измината година. Имено, полисираната премија на ВИГ за 2010 година изнесува 8,7 милијарди евра, што е пораст од 6,1% во однос на 2009 година. Истовремено годишниот профит на компанијата е зголемен за речиси 15% и тој за 2010 година изнесува околу 505 милиони евра. За посебно одбележување е порастот забележан во областа на животното осигурување, кој за 2010 изнесува 11,7 проценти.

Во извештајот на ВИГ регистриран е раст на сите пазари на кои компанијата е присутна. Посебно се истакнати резултатите на носечките пазари на компанијата во Австрија, Чешка, Полска, Словачка и Романија, додека како носители на порастот на остантите пазари се наведени Македонија, Украина и Турција.

Согласно очекувањата, осигурителното друштво Винер Осигурување, преку кое Виена Иншуранс Груп е присутна во Македонија, ја заврши деловната 2010 година со исклучителни резултати. Забележан е раст на полисираната премија во однос на 2009 година за цели 23,26 проценти, што претставува зголемување на продажбата за 71 милион денари. Истовремено, Винер Осигурување се промовираше во лидер во исплата на штети на домашниот пазар, со исплатени 170 милиони денари. Зголемувањето на пазарниот удел на компанијата е проследено со зајакнување на реосигурителната програма наменета за клиентите, и пред сѐ со ширење на продажната мрежа, чии новоотворени подружници придонесоа за поголема достапност на сите понудени услуги.

Резултатите од деловната 2010 година се во тренд со порастот кој го бележи ВИГ и покажуваат дека Винер Осигурување – Виена Иншуранс Груп, преку стабилен раст и развој, продолжува да чекори кон местото кое ѝ припаѓа на компанијата на домашниот осигурителен пазар. Винер Осигурување со двоцифрениот раст во 2010 година влезе во кругот на најуспешните осигурителни друштва под закрила на ВИГ за изминатата година.

„Уште од самиот почеток, застанувањето на Виена Иншуранс Груп зад нашата компанија ни наметна една благородна обврска за исполнување на стандарди кои се исклучително високи и сеопфатни. Резултатите од изминатата година покажуваат дека нашата компанија успешно ги имплементираше сите принципи на професионално однесување, ефективност и сериозен деловен пристап, кои од нас ги бара партнерството со таков моќен осигурителен бренд, каков што е Виена Иншуранс Груп“ – изјави Генералниот директор на Винер Осигурување, Зоран Нарашанов.

Успешното работење на Винер Осигурување, пак, овозможи оваа година да се прошират активностите на моќниот австриски бренд на домашниот осигурителен пазар. Имено, Советот на експерти на Агенцијата за супервизија на осигурувањето неодамна донесе Решение со кое се издава дозвола за вршење на работи на осигурување на Акционерското друштво за осигурување Винер Лајф - Виена Иншуренс Груп Скопје.

Новата компанија за животно осигурување ВИНЕР Лајф, основана целосно со австриски капитал, е уште една директна инвестиција на Виена Иншуранс Груп на македонскиот осигурителен пазар, која меѓу другото е плод на довербата на управата на моќниот бренд во деловните стандарди на Винер Осигурување.

Потенцијалот кој во последно време го покажува пазарот за животно осигурување, заедно со успешното работење на Винер Осигурување се главните двигатели на новиот проект на ВИГ во Македонија – Винер Лајф, а воедно и гаранција за потенцијалот кој новооформеното животно осигурување се очекува да го оствари на македонскиот осигурителен пазар.

Во Скопје се оддржа 11-та седница на Надзорниот Одбор на ВИНЕР ОСИГУРУВАЊЕ – ВИЕНА ИНШУРЕНС ГРУП СКОПЈЕ

11/25/2010 12:00:00 AM

На ден 25.11.2010 година, во Скопје беше одржана единаесеттата седница на Надзорниот одбор на Винер Осигурување - Виена Иншуренс Груп.

Како и досегашните, така и оваа седница помина во одлична атмосфера исполнета со многубројните излагања од изминатите квартални работења на Винер Осигурување.

Постигнатите резултати, максималната помош и поддршка на членовите на сопствениците на Винер Осигурување и посветеноста на менаџментот и секој вработен се чекор кон патот на успехот, а задоволството на клиентите е причина плус да станеме лидер на пазарот.

Можеме со гордост да изјавиме дека процентот на полисираната и наплатена премија постојано расте. Нашата продажна мрежа не престанува да се шири преку аквизиција на нови, искусни кадри во осигурувањето како и градење на нови и млади таленти.

Полисираната премија е порасната за неверојатни 21,75% во споредба со истиот период во 2009 година, со пазарен удел од 6% додека во истиот период лани беше 5,2%. Може да констатираме висока наплата на премија како и фактот дека сме лидер во исплатa на штети – за високо задоволство на нашите клиенти. Таа тенденциjа компанијата има намери да ја одржи во иднина.

Назначен нов член на Управниот одбор во Винер Осигурување

11/25/2010 12:00:00 AM

На 11 Надзорен одбор беше разгледана и прифатена оставката на досегашниот член на Управниот Одбор м-р Елена Мартиновска. На нејзино место е назначен г-дин Дејан Михајлов.

Г-дин Михајлов е дел од компанијата повеќе од 6 години. Со своето искуство и докажана професионалност унапреден е во Раководител на проценка, кој сегмент го раководи во изминативе три годинини.

Мандатот на Г-дин Михајлов е четири години.

НОВА КАНЦЕЛАРИЈА ВО КИСЕЛА ВОДА (во близина на Здружението за возачи)

11/17/2010 12:00:00 AM

Продолжуваме да бидеме професионално одржана компанија со добар менаџмент и соодветно обучен кадар, следејќи највисоки етички стандарди.

Поради тоа на 17/11/2010 година, Винер осигурување ја отвори својата седма канцеларија во градот Скопје. Лоцирана е во близина на техничкиот преглед во Кисела Вода, кај Здружението на возачи, на ул. Михаил Чаков бр. 4/2-6

Насочени кон распространување на нашата продажна мрежа, со движечко мото да бидеме поблиску до нашите клиентите, компанијата продолжува со својата експанзија и отварање на нови продажни места.

Контакти на кои може да ги добиете вработените во подружница за професионална и квалитетна услуга се:

Тел/Факс: 02 / 2700 501

Моб. 077 888 885

Е-пошта: skopje-kiselavoda@winner.mk

Не постои апсолутна сигурност во животот, постои само можност да се чувствувате сигурно.

Винер осигурување, вистински избор за вас.

Презентирани резултатите за третиот квартал на ВИНЕР

10/16/2010 12:00:00 AM

На 16/10/2010 година, во просториите на М6 Едукативниот центар се одржа средба на сите вработени, агенти и застапници во Винер осигурување. Целта на средбата беше да се презентираат резултатите за успешната работа на компанијата, нејзината стратешка позиционираност како и перспективи.

На средбата се обрати менаџментот на компанијата, осврнувајќи се на резултатите за третиот квартал. „Исклучително успешната работа на компанијата во досегашниот период не’ прави да бидеме најсериозниот партнер кој веќе е препознат од страна на сите засегнати страни во државата„ изјави Генералниот директор м-р Зоран Нарашанов.

Континуираниот раст кој го покажува компaнијата е тенденција со која особено се гордееме сите ние. Полисираната премија е порасната за неверојатни 21,75% во споредба со истиот период во 2009 година, со пазарен удел од 6% додека во истиот период лани беше 5,2%. Може да констатираме висока наплата на премија како и фактот дека сме лидер во исплатa на штети – за високо задоволство на нашите клиенти. Таа тенденциjа компанијата има намери да ја одржи во иднина.

Нашите сопственици, Виенската осигурителна групација ги увидоа позитивните промени и развој на компанијата, давајќи своја огромна поддршка во трансфер на знаења и беспрекорно реосигурување за нас и нашите клиенти. Со почетокот на 2011 година, холдингот ќе влезе во уште еден сегмент на осигурителниот бизнис во Република Македонија – животно осигурување. Сегмент кој очекуваме во иднина да се развива многу побргу и подинамично отколку досега.

На средбата беа претставени и новите колеги кои се засилување на и така веќе силниот и квалитетен тим на Винер Осигурување, со што очекувањата за уште подобри резултати се оправдани.

По презентација на резултатите, организиран беше коктел заради неформално дружење на сите вработени, нешто на што Винер Осигурување посветува посебно внимание заради размената на искуства, запознавање на сите колеги и воспоставување на здрави и пријателски однос на вработените меѓу себе, како основа за добар однос и кон нашите клиенти.

Галерија на слики

Зоран Нарашанов избран за член на УО на РФМ

8/29/2010 12:00:00 AM

На II-то Редовно Собрание на Ракометната Федерација на Македонија (РФМ), за член на Управниот Одбор на РФМ е назначен м-р Зоран Нарашанов, Генерален директор и Претседател на УО на Винер Осигурување – Виена Иншуренс Груп. Со ова уште еднаш се докажува сестраноста на вработените во Винер Осигурување на повеќе најразновидни полиња кои не се поврзани само со потребите на сопствениот бизнис, туку и поради потребите на пошироката јавност.

Како поддржувачи на спортот, а особено ракометот, задоволството од изборот на Зоран Нарашанов како член на УО на РФМ е обострано.

Покрај г-динот Нарашанов, како нови членови беа назначени уште и г-динот Минчо Јорданов, г-динот Срѓан Крстиќ и г-динот Марјан Начевски, со што со ваков Управен Одбор во целокупен состав неизбежен е успехот на нашата ракометна федерација.

Во Виена оддржана 10-та седница на Надзорниот Одбор на ВИНЕР ОСИГУРУВАЊЕ – ВИЕНА ИНШУРЕНС ГРУП СКОПЈЕ

8/27/2010 12:00:00 AM

На 27.08.2010 година членовите на Надзорниот одбор на Винер Осигурување ја одржаа десеттата седница. Јубилејната 10-та редовна седница беше одржана во Виена-Австрија која помина во исклучителна атмосфера со акцентирање на неопходноста од понатамошен динамичен развој на компанија, секако и понатаму потпрен на вистински луѓе и ресурси.

На седницата беа претставени резултатите од првите два квартала на 2010 и беа дискутирани размислувањата на менаџерскиот тим во однос на реализирањето на понатамошните планови и идеи во согласност со видовите на осигурување кои досега ги работеше Винер Осигурување – Виена Иншуренс Груп, како и сите нови продукти кои нашите сопственици ќе ги претстават на осигурителниот пазар во Р. Македонија.

По враќањето од Виена, во име на Управниот одбор на Винер осигурување – Виена Иншуренс Груп на вработените во оваа компанија, Г-динот Зоран Нарашанов им ја пренесе пораката од Виена: „успешно чекориме на патот кон остварување на нашата заедничка цел – Винер Осигурување да стане лидер на осигурителниот пазар, за што сите ние треба да се вложиме целосно, секојдневно имајќи ја во целост нивната несебична поддршка како и досега.

Знаеме како да го искористиме потенцијалот на пазарот во однос на конкурентот, создадовме спектар на дистрибутивни канали за продор на нашите продукти и за обезбедување и понатамошен развој и раст на групацијата. Сето тоа го правиме со единствена цел, задоволство на нашите клиенти, нешто што постојано е потенцирано од страна на нашите сопственици и што и во иднина ќе биде во фокусот на нашето внимание.

Информација за основањето на групациска холдинг компанија

7/7/2010 12:00:00 AM

Во изминативе две децении, Vienna Insurance Group стана една од најголемите групации за осигурување во Централна и Источна Европа. Со преструктуирањето за основање на Vienna Insurance Group AG Wiener Versicherung Gruppe, компаниите од нашата Групација ќе работат под една капа и на тој начин ќе имаат заеднички, силен идентитет, излегувајќи надвор од својот поединечен пазар. Со својата функција како холдинг компанија, Vienna Insurance Group ќе биде одговор на за бројни прашања поврзани со меѓународното управување на Групацијата.

Нашите клиенти во сите држави ќе можат да се потпрат врз финансиската сила на нашата Групација. На почетокот од 2010 година, Standard & Poor’s изрично го потврдија постојниот рејтинг „A+” за Vienna Insurance Group. Нејзината конкурентна позиција и способноста на осигурителната компанија да продолжи да се шири во Централна и Источна Европа резултираа со оценката за нејзината иднина од страна на Standard & Poor’s како „стабилна“. Следствено на тоа, Групацијата има многу добар рејтинг, дури и во проблематична економска клима.

Со овој важен чекор, Vienna Insurance Group може да се претставува себеси како независна, финансиски силна осигурителна групација во државите од регионот на ЦИЕ и дури и ја засилува својата водечка позиција. Во врска со меѓународниот осигурителен бизнис, Групацијата ќе преземе една дополнителна улога на координатор надвор од националните граници. За да може да им се гарантира на нашите клиенти и продажни партнери дека ја добиваат најдобрата можна услуга и помош, транснационалниот бизнис, а особено соработката со нашите главни клиенти, ќе биде управувана од Групацијата.

Обраќање на Главниот извршен директор на ВИГ

Оддржан 9-от надзорен одбор во Битола

4/27/2010 12:00:00 AM

На 27.04.2010 година во хотелот Епинал Битола, Надзорниот одбор ја оддржа својата 9та седница. Присуството на членовите на надзорниот одбор и менаџерскиот тим на компанијата се искористи за дружење со политичката и бизнис заедница на Битола и околните општини. Како интернационална групација, членовите на надзорниот одбор ја истакнаа главната предност на компанијата – размислувај глобално, делувај локално.

Менаџментот ги промовираше одличните квартални резултати на компанијата за 2010 пред сите засегнати страни во Битола. Воедно, континуираното подобрување на нашите резултати се причина повеќе за нашите заеднички средби и подобрени услуги кон нашите клиентите. “Ви ветуваме дека нашите продукти ќе бидат адекватни со својата цена, со својот квалитет и со брзината на нашите услуги” – изјави Г-дин Нарашанов, претседател на Управниот одбор и Генерален директор на компанијата.

Покрај постоечката канцеларија во центарот на Битола, кон крајот на Март 2010 година беше промовирана уште една – нова канцеларија во Битола. Но, нашата интенција за поголема близина до нашите пријатели и клиенти продолжува. Наскоро, компанијата ќе отвори ново продажно место на кое граѓаните ќе можат на едноставен и несекојдневен начин да се информираат за осигурување на својот имот, автомобил, бизнис, семејство.

Фото галерија

ВИНЕР ОСИГУРУВАЊЕ ВО 2009 - Успешна година зад нас, уште поуспешна пред нас

4/8/2010 12:00:00 AM

Измината година Винер Осигурување ја одбележаа два клучни моменти. Едниот е купувањето 100% од акциите на СИГМА од страна на најголемиот осигурителен бренд во Централна и Источна Европа во мај месец - Wiener Stadtische, а вториот момент беше секако официјалното објавување на новото корпоративно име со кое ќе настапуваме на македонскиот осигурителен пазар – ВИНЕР Осигурување.

Во 2009 година, ВИНЕР Осигурување ги постигна следните резултати:

- Пораст на пазарниот удел за 17,5%
- Пораст на полисираната премија 33.5 мил. ден.
- Зголемување на средствата за покривање на техничките резерви на штети за 150 мил.денари (за 130%)
- Импресивен портфел на продукти во кои доминантно учествува завзема незадолжителното осигурување
- Задржување и динамично зголемување на корпоративните клиенти кои својата доверба за нивната сигуност ни ја доверија нам
- Енормен обем на ликвидирани штети – 54% од полисираната премија
- Пораст во првото тромесечие од 2010 во однос на истиот период лани за 15%

Соопштение за јавност

Резултати на Виенаската Осигурителна Групација во 2009 година

Награда за најдобра компанија – Винер осигурителна групација

1/28/2010 12:00:00 AM

Меѓународна потврда и доказ дека Винер осигурителна групација е најдобрата осигурителна компанија во Централна и Источна Европа. Наградата од Униба Партнерс за најдобра осигурителна компанија од областа на ризикот и осигурувањето, дефинитивно ја зацврсти позицијата на Винер осигурување - лидер во светот на осигурителните компании.

Наградата од Униба Партнерс е базирана врз истражувањата на пазарот во регионот, каде примарниот критериум се иновациjата и решавањето на проблемите, барањата за отштети, фокусот врз клиентите, контролата на загубите и пресметувањето на ризикот.

Оваа награда говори за тоа дека Винер осигурување прераснува во сериозен конкурент, кој со својата професионалнсот и квалитет секојдневно го проширува кругот на задоволни, безбедни и лојални клиенти.

Веб страна на VIG

Ребрендинг на ВИНЕР осигурување

11/26/2009 12:00:00 AM

На 26.11.2009 година во Хотелот Холидеј Ин реномираната осигурителна корпорација WIENER STÄDTISCHE Versicherung AG Vienna Insurance Group конечно пристигна на македонскиот осигурителен пазар со ново корпоративно име – ВИНЕР ОСИГУРУВАЊЕ.

ВИНЕР ОСИГУРУВАЊЕ со ова ја започнува својата сторија во Македонија, претходно раскажана насекаде со Vienna Insurance Group - сторија за традиција, сигурност, за вистински избор.

Сопствениците и менаџментот на компанијата организираа пресс конференција на која се обратија и го објавија новото име на компанијата. Воедно, приредија и свечен ребрендинг коктел каде нашите пријатели имаа можност да се дружат.

Со ова конечно се круниса превземањето на Сигма од страна на оваа позната австриска групација која успешно функционира веќе 180 години. За сериозноста на овој потег и за намерите во поглед на подигнувањето на квалитетот на осигурителните услуги во голема мера говори и фактот што во своето обраќање до јавноста Претседателот на Надзорниот одбор на Винер осигурување Г-нот Ханс Раумауф истакна: „Ние сме многу заинтересирани за долготрајност и за долготрајни клиенти. Штом било возможно за нас да опстоиме во овој толку долг период од 180 години, тоа се докажува дека се трудиме да воспоставиме одржливи, долготрајни врски со нашите партнери и клиенти. Пролетва, односно во јуни оваа година ние ги презедовме 100% од сопственоста преку Винер Штетише, нашето директно дете. Ме прашуваат често зошто еден ваков мал пазар како Македонија е толку интересен за нас. Првата причина е бидејќи ние исто така сме мала држава и така знаеме да ја цениме вредноста на малите држави. Со ребрендирањето на Винер, ние сакаме да ја зајакнеме позицијата во Македонија, која е доста важна посебно во растечкиот пазар на Групацијата, и останува да биде партнер од доверба во осигурувањето на нашите клиенти.“

За нашата компанија ребрендирањето значи отварање на патот до успех и високо котирање меѓу осигурителните компании. Тоа со себе повлекува комплетна промена на имиџот, квалитетот на работа и нашинот на третирање на нашите клиенти и тоа во моменти на глобална криза што дополнително создава обврска за повисок степен на сериозност во исполнување на стандардите и начините за работа насочени кон остварување на успехот. „Ребрендирањето нема да значи само промена на името или промена на боите, туку ќе значи воведување на нови професионални стандарди во работењето“ – изјави генералниот менаџер и претседател на УО на Винер Осигурување, Г-дин Зоран Нарашанов. Меѓудругото истакна дека „Во време на криза е неопходно да имате сериозни и моќни осигурителни компании, бидејќи вие никогаш да бидете сигурни, но секогаш имате можност да се чувствувате сигурни доколку зад вас стои сериозна осигурителна Компанија. Низ процес на континуирани и квалитетни подобрувања од досегашната фаза во која се наоѓаме, на стабилизација и консолидација на компанијата, од денес натаму со новиот бренд сме посветени на развој и просперитет.“

Фото галерија

Видео

Прес клипинг

НОЕМВРИ – месец на ребрендирање

11/1/2009 12:00:00 AM

По промената на сопственоста на компанијата и името, следува процес на ребрендирање со цел да ги информираме нашите клиенти, сегашни и потенцијални, за наше препознавање, како и сите позитивни промени кои сето ова ги повлекува со себе.

Во почетокот на месец ноември е започната активна кампања преку одредени медиуми, пишани и аудио-визуелни за запознавање на граѓаните на нашата земја со промената на името во ВИНЕР осигурување, а кон крајот на месецот ќе биде одржан и официјалниот прес и обраќање на нашите нови сопственици и новиот менаџерски тим, како и PR event-от со кој ќе го прославиме нашиот нов почеток.

Месецот на ребрендирање е поврзан со промена на целокупниот имиџ и претстава за нашата осигурителна компанија, но и со ексклузивни промотивни попусти за полисите издадени од ВИНЕР осигурување за насмевка и задоволство на нашите клиенти.

Акционерско друштво за осигурување – ВИНЕР-Виена Иншуренс Груп запишан во Централниот Регистар на Република Македонија

10/20/2009 12:00:00 AM

На 20.10.2009 е извршена и официјалната промена на името во Централниот Регистар на Македонија, со што е извршено преименување на компанијата од СИГМА АД Скопје во ВИНЕР – Виена Иншуренс Груп. Сите останати податоци за фирмата – ДБ, матичен број, жиро сметки – остануваат непроменети.

Променета локација на канцеларијата во Гевгелија

10/1/2009 12:00:00 AM

Отсега можете да не најдете во:

- Гевгелија на ул. Маршал Тито бб; контакт телефони 034 217 899 и 078 207 120
- Струга на ул. ЈНА БР.16, контакт телефони 046 781 527 и 070 746 006

Отворени нови три канцеларии во Куманово, Велес и Аеродром

10/1/2009 12:00:00 AM

Во насока на остварување на нашата цел – да бидеме поблиску до нашите клиенти насекаде низ земјава, го започнавме процесот на ширење на постојната продажна мрежа по пат на отварање на нови подружници во:

- Куманово на Ул. Октомвриска револуција 32/12; контакт телефони 031 438 155, 075 977 095
- Велес - Ул. Ленинова бр 25; контакт телефони 043 211 477, 071 213 011
- Скопје во општина Аеродром - Ул. Боjмиjа бр. 1, лок. 19 приземjе; контакт телефони 02 2402 616, 070 349 894

Со ова не запира нашата тенденција за и понатамошно ширење, не само на територија на Скопје, туку и низ целата република.

Зголемен пазарниот удел - 5,6%, со раст на премијата за 37%. Во 2008 пазарниот удел на копанијата е 4,1%.

7/31/2009 12:00:00 AM

Зголемен пазарниот удел - 5,6%, со раст на премијата за 37%. Во 2008 пазарниот удел на копанијата е 4,1%.

Wiener Städtische - Vienna Insurance Group ги откупи 100% од акциите во Сигма АД за осигурување

5/9/2009 12:00:00 AM

Во текот на Мај се изврши купување на 100% од акциите на Сигма ад Скопје од страна на Wiener Städtische (Виена Осигурителна Групација). Нашиот нов сопственик има традиција од речиси два века одбележана за континуиран успех и одржлив развој.

Vienna Insurance Group е со седиште во Виена и е една од најголемите меѓународни активни осигурителни групации во Европа, осбено во Централна и Источна Европа (ЦИЕ). Vienna Insurance Group има 50 осигурителни друштва, со приближно 23.000 вработени, и дејствува во 23 земји.

Осигурителните друштва на Vienna Insurance Group обезбедуваат квалитетни осигурителни услуги во областа на животно и неживотно осигурување со иновативни решенија за осигурување во сите области од осигурувањето обезбедувајќи одлични услуги за клиентите.

СИГМА и Vienna Insurance Group имаат за цел да реализираат долгорочен одржлив пораст и развој. Во овој поглед, ги имаме поставено следниве цели: постигнување на водечка положба и стабилно ширење на нашите осигурителни активности во Република Македонија.
На СИГМА Осигурување и претстои ребрендирање и програма за реорганизација и реструктуирање. Главен фокус на нашата стратегија се вистинските луѓе, кои на чесен начин сакаат да обезбедат компензација за напорната работа што за нас значи компетентна и мобилна работна сила подготвена за брзи и флексибилни решенија.

test

8/1/2005 12:00:00 AM

test