Промовираме литература на работно место

Како дел од политиката на ВИНЕР – Виена Иншуренс Груп АД Скопје во насока на одговорно корпоративно работење и остварување долгорочен одржлив напредок и развој на општеството, како и грижа према вработените, во просториите на Дирекцијата на ВИНЕР – Виена Иншуренс Груп АД Скопје на 10 март беше одржана заедничка дружба – книжевно матине. На настанот присуствувше поетесата и писателка Кристина Краличин, која ја претстави својата прва издадена прозна книга „Дното на моето небо“ и најдобриот млад научник во хуманистичките науки – Иван Антоновски, кој пред присутните ја претстави својата книга „Идентитетот е приказна“, издадена по повод 70 години од раѓањето на драмскиот писател и есеист Горан Стефановски. Како дел од осмомартовското празнување, на дамите присутни на настанот им беа подарени примероци од романот „Доното на моето небо“, а во насока на поддршка на талентирани лица во нашата земја, Друштвото финансиски ќе го поддржи патувањето на Иван Антоновски во Париз, Франција, како дел од чествувањето на јубилеите – 100 години од раѓањето на еден од основоположниците на современата македонска поезија – Ацо Шопов и 50 години од отворањето на Лекторатот по македонски јазик на престижниот Национален институт за ориентални јазици и цивилизации (ИНАЛКО). Корпоративната општествена одговорност на ВИНЕР – Виена Иншуренс Груп АД Скопје е во согласност со Десетте принципи на Глобалниот договор на Обединетите нации и воедно ги следи позитивните примери од домашната и од светската пракса.

На ден 10.01.2023 година, имавме чест и задоволство да бидеме домаќини на д-р Георг Вуцас, австрискиот амбасадор во нашата земја.

Посетата на амбасадорот Вуцас во деловните простории на ВИНЕР – Виена Иншуренс Груп АД Скопје беше организирана со цел негово запознавање со резултатите на нашата компанија, како членка на најголемата австриска осигурителна групација Vienna Insurance Group. Неговата екселенција беше запознаен со моменталните состојби на македонскиот осигурителен пазар и предизвиците од процесите на усогласување со европската регулатива и најдобрите пракси за развој на осигурителниот сектор.

Во текот на посетата амбасадорот имаше можност да ги поздрави вработените и да се запознае со работните процеси и организациската култура во компанијата.

Она што особено нè израдува е што амбасадорот Вуцас по посетата изрази гордост на компанијата, резултатите кои таа ги има остварено низ годините, како и посветеноста на менаџментот и вработените кон општествено одговорното работење, охрабрувајќи и поддржувајќи го таквиот тренд и во иднина.

Длабоко сме убедени дека ќе ја оправдаме неговата доверба, и дека следната средба ќе биде исто толку пријатна и со позитивни импресии од постигнатите резултати.

Во ноември го посетивме Центарот за воспитно образовна психо-социјална поддршка во Охрид и со задоволство сите заедно помогнавме во разубавање на дворот и просториите на Центарот. Не само заради донаторската акција на Винер Осигурување за уредување на просторот во кој ќе работи центарот, туку и затоа што сакавме несебично да помогнеме како тим и вработени на некого на кого му е потребна помош.
Поминавме прекрасни и незаборавни моменти и создадовме амбиент кој се надеваме ќе им донесе многу среќни и безгрижни моменти на оние кои ќе го користат Центарот.

За претседател на Управниот одбор на ВИНЕР – Виена Иншуренс Груп АД Скопје, е назначен Климе Попоски. На предлог на Надзорниот одбор на Vienna Insurance Group (ВИГ) од Виена, Австрија, и по добиена согласност од Агенцијата за супервизија на осигурување, г. Попоски ја презеде функцијата генерален директор, од 15. ноември, 2022 година.
Професионалната кариера на новиот претседател на управата е поврзана со осигурителниот сектор и тоа како универзитетски професор, истражувач и прв Претседател на Советот на експерти на Агенцијата за супервизија на осигурување, функција која ја обавуваше во два мандати во периодот 2009/2019 година. Има објавено голем број на научни и стручни трудови во реномирани научни списанија и предавач на признати Универзитети како што се: Katie School of Insurance & Risk Management, College of Business, Illinois State University, The Dr. William T. Hold/The National Alliance Program за Risk Management and Insurance на Florida State University, St. John’s University, School of Risk Management, во New York, Center for Scientific Interdisciplinary Risk and Sustainability Management при Ostfalia University of Applied Sciences, , International Center for Insurance Regulation, Goethe University, Frankfurt, Humboldt-Universität zu Berlin, Faculty of Economics and Business Administration.
Пред да биде избран за новата функција, Климе Попоски ја обавуваше функцијата член на Надзорен одбор на Винер во периодот ноември 2020/2021 год , а од ноември 2021 беше Советник за стратешки прашања. Попоски е член на Собранието при Стопанската Комора, почесен член на Македонското здружение на актуари, како и на меѓународното здружение на Actuaires du Monde. Од посебно значење е инволвираноста во Asia-Pacific Risk and Insurance Association како член на Бордот на гувернери, како и иницијатор и еден од основачите на новоформираната Eastern Europe Risk Insurance Association.
„ВИГ (Vienna Insurance Group) е водечка осигурителна групација во Централна и Источна Европа, со присуство во 30 земји и поседува преку 50 друштва за осигурување. Наша цел е да бидеме првиот избор за нашите клиенти. Нашите осигуреници гледаат на нас како стабилен и доверлив партнер. Ние им овозможуваме на клиентите да живеат побезбеден и подобар живот. Оваа визија ни овозможува да ги испорачаме нашите ветувања и да придонесиме за нашата позиција како една од водечките компании на македонскиот осигурителен пазар“ – изјави Попоски.
Главни приоритети во неговиот мандат ќе бидат: обезбедување осигурителни решенија за сите потреби на клиентите и со квалитетен и чесен деловен однос да се формира база на лојални корисници и на тој начин да се достигне лидерска позиција на осигурителниот пазар. Деловниот модел на компанијата ќе се заснова на мотивирани и високо профилирани стручни лица, дигитализација на деловните процеси, силна капитална база, понуда на нови иновативни производи и посветеност кон корпоративна општествена одговорност.

На ден 25.07.2022 ВИНЕР- Виена Иншуренс Груп АД Скопје го загуби човекот кој со 15 години неуморно водење и беспрекорно лидерство го постави патот на успехот и ја направи компанијата она што е.

Проф. д-р Зоран Нарашанов, непресушниот извор на ведрина и поддршка во секакви моменти, големиот интелект, спремен за нови предизвици, идеи и искуство, несебично инспирирајќи не’ и пренесувајќи ги на нас, беше непроценлив подарок во нашите професионални животи.

Во ВИНЕР нема да биде исто без него.

Почитувани,

Ве известуваме дека на ден 20.07.2022 година е извршена измена на седиштето на Акционерското друштво за осигурување ВИНЕР – Виена Иншуренс Груп Скопје.
Новото седиште каде што е лоцирана Дирекцијата на Друштвото е на адреса:

ул. Железничка бр.41,
1000 Скопје

Физички прием на клиентите и деловните соработници во новото седиште на Друштвото ќе биде од 01.08.2022 година.

Исто така, ве известуваме дека сите останати информации (ЕМБС, даночен број, жиро-сметки, телефон и e-mail адреса) остануваат непроменети. Дирекцијата на Акционерското друштво за осигурување ВИНЕР – Виена Иншуренс Груп Скопје, како и досега, останува целосно посветена на обезбедување на брза и ефикасна услуга во однос на сите Ваши потреби и прашања како клиенти и деловни партнери на Друштвото.

Со почит,

Акционерското друштво за осигурување
ВИНЕР – Виена Иншуренс Груп Скопје

Ризикот земјотрес е составен дел од пакетите за имотно осигурување: Мини, Оптимум, Заштита, Премиум Плус, Премиум П, Екслузив.

Ризикот земјотрес покрива штети од уништување и конструктивни оштетувања на осигурените предмети. Под конструктивни оштетувања се сметаат оштетувања без кои објектот, уредите, инсталацијата и сл. не можат да се стават во предвидената функција, односно земјотресот со своето разорно дејство предизвикал нарушување на основната фунционалност на предметот на осигурување.

Дел од осигурително покритие е и настанат пожар и експлозија настаната како последица на земјотресот. Исто така опфатени се и индиректни штети на осигурени предмети, поради излевање на течности и гас од инсталацијата оштетена од земјотрес.

Се смета дека настапил земјотрес ако со своето разорно дејство со интензитет од 5 (пет) и повеќе степени според Европската Макросеизмичка Скала (ЕМС) оштетил објект или ствари од домаќинство кои се во сопственост на осигуреникот.

Ризикот земјотрес не покрива штети од пукнатини, молеро-фарбарски и собосликарски работи на градежниот објект, кршење стакла, кражба или вандализам на оштетениот објект, трошоци направени за спасување и расчистување, трошоци за исклучување и вклучување на инсталационите мрежи (електро-дистрибутивна, топлинска, и др мрежа), објекти кои не се изградени согласно стандардите на градба во кои треба да се запазени минимални асеизмички стандарди на безбедност.
Ризикот земјотрес исто така не покрива индиректни штети како последица од земјотресот, кои може да предизвикаат прекин во работењето кај правните лица.

Пример: Осигурувачот нема обврска за надомест на штета доколку по земјотресот дојде до кражба на стварите во оштетениот објект.

Пример: Исто така, осигурувачот нема обврска за надомест на штета доколку од земјотресот не настанале конструктивни оштетувања, односно доколку има оштетувања во форма на пукнатини по зидовите, испукани или паднати плочки и др. нема основ за надомест на штета (молеро-фарбарски и собосликарски работи), но доколку има оштетувања на бетонската плоча столбовите или дојде до рушење на објектот и уништување на стварите во истиот штетата ќе биде надоместена.

Global Money Week (GMW) е годишен настан кој ја промовира финансиската писменост кај младите. Крајна цел на кампањата е да осигура дека сите млади луѓе имаат пристап до високо-квалитетна финансиска едукација, да научат како да носат паметни финансиски одлуки и да ја подобрат својата финансиска благосостојба.
ВИНЕР – Виена Иншуренс Груп Скопје е горд поддржувач на Светската недела на парите. Ве повикуваме на 22 март 2021 г, во 12 часот, во живо да присуствувате на предавањето по повод почетокот на Светската недела на парите на: https://www.youtube.com/watch?v=Jl2O_RRKurU
#TakeCareOfYourMoney #LearnSaveEarn #GlobalMoneyWeek2021 #TukaSumSiguren

ИНВЕСТИЦИЈА НА VIENNA INSURANCE GROUP ВО APEIRON BIOLOGICS AG, КОМПАНИЈА ЗА БИОТЕХНОЛОГИЈА, КОЈА ВО МОМЕНТОВ РАБОТИ НА ЛЕК ЗА КОВИД-19

Компанијата Apeiron, специјализирана во пронаоѓање и развој на нови имунотерапии и лекарства за третман на респираторни болести и канцер, поради пандемијата на КОВИД-19, моментално се фокусира и е во напредна фаза на развој на лек (APN01) за борба со коронавирусот. APN01 e рекомбинантен ензим со потенцијал да го блокира инфицирањето на клетките со КОВИД-19 и да ги смири инфламаторните реакции на белите дробови. Со неговата двојна функција, APN01 може да стане првиот лек специфично наменет за третирање на лица заразени со КОВИД-19.

Преку соработката на Vienna Insurance Group со Apeiron Biologic, групацијата ја покажува својата заложба да биде дел од борбата со пандемијата.
„Како осигурители, наша основна задача е да ги штитиме луѓето од ризици. Во моменталната ситуација, здравјето е во фокусот на вниманието, a спречувањето на ширењето на болести е еден од нашите приоритети. Нашата инвестиција во Apeiron е осмислена, долгорочна опција која ни овозможува да го исполниме нашето ветување дека ‘Го штитиме она што е важно’, истовремено имајќи ги предвид и нашите економски цели“, истакна генералниот менаџер на групацијата – Елизабет Штадлер. Преку својата Агенда 2020, групацијата веќе имплементираше мерки насочени кон промоција на здравјето и благосостојбата на луѓето, а подолг период ги засилува активностите во сегментот на здравствено осигурување. Инвестицијата во Apeiron е во согласност со овие насоки и беспрекорно се вклопува во сеопфатната стратегија на групацијата.

Лекот е развиен директно за лекување на ALI / ARDS, кое е водечка причина за смртност кај пациентите заболени од КОВИД-19. Првична цел на истражувањето е да се оцени клиничката ефикасност и безбедноста на APN01 кај пациентите со КОВИД-19, а во претходните фази на клинички испитувања, APN01 се покажа како безбеден и добро поднослив лек од страна на пациентите. Испитувањата ќе се вршат во неколку европски држави, меѓу кои Австрија, Германија, Данска и Обединетото Кралство.

„Доколку резултатите од клиничките тестови се позитивни, голема е веројатноста лекот брзо да биде одобрен за употреба во Европа и да се најде на пазарот. Токму затоа, со задоволство ја поздравуваме Vienna Insurance Group како нов сигурен партнер во нашите напори во борбата против болеста. Многу сме благодарни за нивната поддршка и нивниот придонес во справувањето со пандемијата на коронавирсот“, вели Питер Лулелин-Дејвис, извршен директор на Апејрон Биологикс АГ.

„Во соработка со другите истражувачи, нашата лабораторија го обезбеди првиот in-vivo доказ дека протеинот АСЕ2 е главен рецептоr за SARS-CoV-2, кој, исто така, има моќ да ги заштити белите дробови. Многу сум задоволен од потенцијалната употреба на APN01 при лекувањето на пациенти заразени со КОВИД-19 над кои се вршат клинички тестирања. Инвестицијата од Vienna Insurance Group ќе биде значителна помош во продолжувањето со развојот на овој потенцијален лек, како и во поддршка на нашите напори да се пронајде ефикасен третман во борбата против Ковид-19“, објасни професор Јозеф Пенингер, основач на Apeiron, член на нивниот надзорен одбор и професор на Универзитетот во Британска Колумбија.