Global Money Week 2021
Global Money Week (GMW) е годишен настан кој ја промовира финансиската писменост кај младите. Крајна цел на кампањата е да осигура дека сите млади луѓе имаат пристап до високо-квалитетна финансиска едукација, да научат како да носат паметни финансиски одлуки и да ја подобрат својата финансиска благосостојба.
ВИНЕР – Виена Иншуренс Груп Скопје е горд поддржувач на Светската недела на парите. Ве повикуваме на 22 март 2021 г, во 12 часот, во живо да присуствувате на предавањето по повод почетокот на Светската недела на парите на: https://www.youtube.com/watch?v=Jl2O_RRKurU
#TakeCareOfYourMoney #LearnSaveEarn #GlobalMoneyWeek2021 #TukaSumSiguren
- Published in настани и новости
Vienna Insurance Group со директна поддршка во борбата против COVID-19
ИНВЕСТИЦИЈА НА VIENNA INSURANCE GROUP ВО APEIRON BIOLOGICS AG, КОМПАНИЈА ЗА БИОТЕХНОЛОГИЈА, КОЈА ВО МОМЕНТОВ РАБОТИ НА ЛЕК ЗА КОВИД-19
Компанијата Apeiron, специјализирана во пронаоѓање и развој на нови имунотерапии и лекарства за третман на респираторни болести и канцер, поради пандемијата на КОВИД-19, моментално се фокусира и е во напредна фаза на развој на лек (APN01) за борба со коронавирусот. APN01 e рекомбинантен ензим со потенцијал да го блокира инфицирањето на клетките со КОВИД-19 и да ги смири инфламаторните реакции на белите дробови. Со неговата двојна функција, APN01 може да стане првиот лек специфично наменет за третирање на лица заразени со КОВИД-19.
Преку соработката на Vienna Insurance Group со Apeiron Biologic, групацијата ја покажува својата заложба да биде дел од борбата со пандемијата.
„Како осигурители, наша основна задача е да ги штитиме луѓето од ризици. Во моменталната ситуација, здравјето е во фокусот на вниманието, a спречувањето на ширењето на болести е еден од нашите приоритети. Нашата инвестиција во Apeiron е осмислена, долгорочна опција која ни овозможува да го исполниме нашето ветување дека ‘Го штитиме она што е важно’, истовремено имајќи ги предвид и нашите економски цели“, истакна генералниот менаџер на групацијата – Елизабет Штадлер. Преку својата Агенда 2020, групацијата веќе имплементираше мерки насочени кон промоција на здравјето и благосостојбата на луѓето, а подолг период ги засилува активностите во сегментот на здравствено осигурување. Инвестицијата во Apeiron е во согласност со овие насоки и беспрекорно се вклопува во сеопфатната стратегија на групацијата.
Лекот е развиен директно за лекување на ALI / ARDS, кое е водечка причина за смртност кај пациентите заболени од КОВИД-19. Првична цел на истражувањето е да се оцени клиничката ефикасност и безбедноста на APN01 кај пациентите со КОВИД-19, а во претходните фази на клинички испитувања, APN01 се покажа како безбеден и добро поднослив лек од страна на пациентите. Испитувањата ќе се вршат во неколку европски држави, меѓу кои Австрија, Германија, Данска и Обединетото Кралство.
„Доколку резултатите од клиничките тестови се позитивни, голема е веројатноста лекот брзо да биде одобрен за употреба во Европа и да се најде на пазарот. Токму затоа, со задоволство ја поздравуваме Vienna Insurance Group како нов сигурен партнер во нашите напори во борбата против болеста. Многу сме благодарни за нивната поддршка и нивниот придонес во справувањето со пандемијата на коронавирсот“, вели Питер Лулелин-Дејвис, извршен директор на Апејрон Биологикс АГ.
„Во соработка со другите истражувачи, нашата лабораторија го обезбеди првиот in-vivo доказ дека протеинот АСЕ2 е главен рецептоr за SARS-CoV-2, кој, исто така, има моќ да ги заштити белите дробови. Многу сум задоволен од потенцијалната употреба на APN01 при лекувањето на пациенти заразени со КОВИД-19 над кои се вршат клинички тестирања. Инвестицијата од Vienna Insurance Group ќе биде значителна помош во продолжувањето со развојот на овој потенцијален лек, како и во поддршка на нашите напори да се пронајде ефикасен третман во борбата против Ковид-19“, објасни професор Јозеф Пенингер, основач на Apeiron, член на нивниот надзорен одбор и професор на Универзитетот во Британска Колумбија.
- Published in настани и новости
ПРОМЕНА НА РАБОТНО ВРЕМЕ
Почитувани клиенти,
Поради мерката за прогласување на полициски час во периодот 16 – 05 часот, ве информираме дека од среда 08.04.2020, работно време во работните денови ќе биде 08-14 часот (дирекција и филијали).
Ве потсетуваме дека и вон работното време на филијалите можете онлајн да извадите полиса или да пријавите штета.
- Published in настани и новости
ДОПОЛНИТЕЛНИ МЕРКИ И АКТИВНОСТИ ЗА ПРЕВЕНЦИЈА ОД ШИРЕЊЕ НА COVID-19
Почитувани,
Ве известуваме дека активно ги следиме настаните и актуелните случувања во земјата и во регионот поврзани со COVID-19 вирусот.
Апелираме за упатување прашања, консултации и дописи до Винер – Виена Иншуренс Груп АД Скопје, да не се доаѓа лично во просториите на компанијата, Тоа може да се оствари преку е-пошта: winner@winner.mk, на телефонскиот број 02/15999, на Вибер: +38978666646, како и преку профилите на компанијата на социјалните мрежи.
Ве информираме дека работното време на архивата е скратено и документи може да се доставуваат во периодот од 10:00 до 13:00 часот и воедно апелираме истите да се доставуваат на електронската пошта winner@winner.mk (или доколку се потребни оригиналите, на адреса Бул. Борис Трајковски бр.62 по пошта).
Потсетуваме дека полиси може да се вадат електронски на https://webshop.winner.mk/, а пријава на штета може да се изврши електронски на веб-страницата https://prijavisteta.winner.mk/, без потреба од доаѓање во просториите на Винер Осигурување.
Како општествено одговорна компанија, преземаме мерки за превентива и заштита на своите вработени, како и обезбедување континуитет во работата за непречено обезбедување на услугите кон нашите корисници.
Со почит,
Винер – Виена Иншуренс Груп АД Скопје
- Published in настани и новости
КОВИД – 19 Известување и препораки
Почитувани клиенти,
Согласно препораките и усвоените мерки за превенција од ширење на корона вирусот, а со цел превенција и заштита на клиентите и вработените, Винер осигурување апелира:
– на што е можно поедноставен, поефикасен и побрз процес при вадење на полиси и пријава на штета
– за што е можно пократко задржување во канцелариите при вадење на полиси и пријава на штета,
– избегнување наблиски контакти и ракување (одржување на препорачаното растојание со вработените и останатите присутни во канцеларијата),
– користење на електронските начини за комуникација и функционирање, и тоа:
- пријава на штета
- полиса за автомобилска одговорност
- полиса за патничко осигурување
- електронска пошта
- веб страницата на компанијата
- социјалните мрежи на компанијата на facebook, instagram и linkedin
Контакт центарот (02/15999) е на располагање за сите ваши потреби поврзани со осигурувањето, како и колегите во нашите канцеларии на телефонските броеви
Винер осигурување се грижи за своите вработени, клиенти и секако за здравјето на сите.
Ви благодариме за разбирањето, вниманието и времето одвоено за ова известување, како и за придржувањето кон препораките и мерките бидејќи здравјето е нешто за кое треба сите да се грижиме.
Со почит,
Друштво за осигурување
Винер – Виена Иншуренс Груп Скопје
- Published in настани и новости
ВОЗБУДЛИВИ ДВЕ НЕДЕЛИ НА ЈУБИЛЕЈНИОТ 10. VIG KIDS CAMP 2019
Околу 500 деца од 23 различни европски земји се вратија дома со импресии од незаборавните две недели учествувајќи во разновидните програми на 10от по ред Детски камп, што Виена Иншуренс Груп традиционално го организира за дечињата на своите вработени. Низ многу спортски активности, забава и игри најмладите стекнаа нови пријатели и се дружеа во четирите кампови лоцирани во Стреберсдорф во Виена, Вагрејн во Салцбург, Сибоден во Каринтија и Марија-Ланковиц во Стирија.
Убавините на Австрија и нејзината култура дечињата ги искусија преку разновидни стимулативни активности кои вклучуваа пешачење по планини и глечери, откривање на солените и сталактитни пештери и посета на пензионерски домови каде тие им ги разубавија деновите на старите лица, но и истовремено се едуцираа за Австриската култура и историја.
На огромна радост, дечињата ги покажаа и своите таленти и интереси на организираното талент шоу на кое победи нашиот Михаил Анакиев од Виница, воодушевувајќи ги сите присутни со својата пијано изведба.
Ова беа незаборавни денови за сите дечиња кои се во исчекување на следното заедничко дружење.
И оваа година децата на вработените на ВИГ, на возраст помеѓу 9 и 13 години, беа поканети да учествуваат со своја фотографија на конкурсот „Фотографија на мирот“, а најкреативните записи беа наградени со покана за учество на Детскиот камп. Истовремено, со своите фотографии дечињата конкурираа и на Alfred Fried Photography Award, за годишната награда „ Детска фотографија на мирот“ во износ од 1000 еур.
- Published in настани и новости
СУПЕР РАБОТА ВО ВИНЕР
Сакате да работите во успешна осигурителна компанија и да заработувате многу како Менаџер за продажба?
Ако сте инвентивни, иновативни и иницијативни, Вашето искуство е гаранција за Вашиот успех!
Аплицирај тука
- Published in Uncategorized
ИНОВАЦИИ ВО ОСИГУРУВАЊЕТО – ПРВО ЦЕЛОСНО ДИГИТАЛНО ПРИЈАВУВАЊЕ НА ШТЕТИ ВО МАКЕДОНИЈА
Иновативно дигитално решение за клиентите на ВИНЕР – Виена Иншуренс Груп АД
ВИНЕР – Виена Иншуренс Груп АД на почетокот на април го пушти во употреба првото софтверско решение на осигурителниот пазар во државата кое нуди целосно дигитално пријавување на штети. Отсега клиентите на Винер Осигурување имаат можност преку своите компјутери и смартфони да пријават секаков вид на штета, на лесен и едноставен начин и во кое било време, со истовремено единствена можност за увид во статусот на пријавената штета.
Онлајн пријавата на штета се врши преку мобилната апликација Winner Osiguruvanje достапна на Playstore и Appstore како и преку веб платформата prijavisteta.winner.mk. Преку само неколку брзи и лесни чекори, без оглед дали штетата настанала во моментот или претходно, клиентите веднаш добиваат известување дека нивното барање се обработува.
– Во брзо и динамично општество клиентите бараат едноставен, висококвалитетен и ефективен осигурителен процес, од купувањето на полисата, до решавање на штетите. Дигитализираните корисници не сакаат чекање во ред и повеќешалтерски системи, туку нивните барања да бидат реализирани онлајн. Нашата апликација за пријава на штети им го овозможува токму тоа, следејќи го водичот за пријава да ги прикачат соодветните документи и фотографии, да добијат известувања, да го проверат статусот на штетата или пак да добијат соодветна стручна помош и совет во моментот на настанување на штетата или потребата од осигурување преку четот на Винер.
Клиентите се секогаш на врвот на нашите приоритети, па затоа апликацијата е една нова рута за обезбедување на подобра, побрза, поефикасна и посовршена услуга на сите наши клиенти без исклучок – вели М-р Михајлов, член на Управниот одбор на компанијата, носител и креатор на ова решение.
Со дигитализацијата на производите и процесите, ВИНЕР – Виена Иншуренс Груп АД на своите клиенти, не само што им обезбеди можност да купат онлајн полиси за Автомобилска одговорност (за регистрација на возилото) и полиси за Патничко осигурување, туку и комплетна онлајн пријава на штета по сите видови на осигурување. Станувајќи пионери во државата во имплементирањето на софтверот за пријава на штети и прифаќајќи го предизвикот, ВИНЕР – Виена Иншуренс Груп АД го доби второто место во рамките на Xelerate програмата на Виена Иншуренс Груп која оценувајќи го проектот како успешен и значаен за Македонскиот пазар, одлучи да го финансира истиот.
Винер – Виена Иншуренс Груп АД Скопје продолжува и понатаму со трендот на грижа за своите клиенти, и секако брзата исплата на штети со транспарентен и фер однос кон клиентите, за што говори и бројката за најмалку неисплатени штети. Пуштањето на ова апликативно решение чија цел е зголемување на задоволството на клиентите, особено на оние кои се фокусирани на онлајн комуникацијата ќе доведе и до уште помал број на неисплатени штети.
- Published in настани и новости
Реизбрани членовите на Управниот одбор на ВИНЕР – Виена Иншуренс Груп АД
Долгогодишни континуирани позитивни резултати, препознатливост на ВИНЕР – Виена Иншуренс Груп АД како лидер на осигурителниот пазар, висок степен на професионалност на менаџментот, одржување на ниво на професионална култура на вработените со фокус на посветеност на клиентот и генерирање на резултати, беа силен мотив Надзорниот одбор на ВИНЕР – Виена Иншуренс Груп АД повторно да ја даде довербата на сегашните членови на Управниот одбор на ВИНЕР – Виена Иншуренс Груп АД.
Реизборот на членовите на Управниот одбор е потврден и со согласност од Агенцијата за супервизија на осигурување за период од четири години.
Како главен двигател на постигнувањата на ВИНЕР – Виена Иншуренс Груп АД, Управниот одбор на Друштвото ги истакнува лојалноста, чесноста, посветеноста и беспрекорната услуга од вработените и менаџерскиот тим насочена кон клиентите, кои се секогаш во фокусот на работењето на Друштвото.
Управниот одбор на ВИНЕР – Виена Иншуренс Груп АД наведе дека долгорочен одржлив раст и развој на Друштвото е возможен само преку напорна работа, посветеност кон клиентот, развој на производите и остварување на позитивни резултати кои остануваат главна и крајна цел во работењето.
- Published in настани и новости
Одржан VIG Management Summit 2018
Пред неполни две недели беше одржан дводневниот Самит на менаџери на ВИГ во Виена, Австрија, на кој присуствуваа членовите на Управниот Одбор на Винер како компанија која иако е мала во споредба со останатите во групацијата, е навистина почитувана поради извонредните резултати кои ги остварува.
На конференцијата која се одржа во историската зграда позната како куќа на домовите на Долна Австрија, палатата Niederösterreich, беше дискутирано и беа опфатени значајни елементи од аспект на стратешките предизвици со фокус на авто бизнисот, менување на искуството на клиентите, планирањето и VIG Excelerate натпреварот.
Гала вечерта пак која ѝ претходеше на конференцијата се одржа во Weltmuseum Wien, познат како најголем антрополошки музеј во Австрија со повеќе од 400.000 етнографски и археолошки предмети од Азија, Африка, Океанија и Америка, основан во 1876 година, а лоциран во едно од крилјата на Кралската палата Хофбург.
Овој настан е од големо значење за сите членки на ВИГ.
- Published in настани и новости