Акционерското друштво за осигурување ВИНЕР – Виена Иншуренс Груп Скопје во Службен весник на РСМ бр. 55 од 06.03.02024 ја објави Објавата на извршена предбележба во трговскиот регистар на спогодба за присоединување

Објава

Акционерското друштво за осигурување ВИНЕР – Виена Иншуренс Груп Скопје заеднички со Акционерско друштво за осигурување и реосигурување МАКЕДОНИЈА Скопје – Виена Иншуренс Груп во дневниот весник Нова Македонија на ден 05.03.2024 година и во Службен весник на РСМ бр.55 од 06.03.02024 година го објавија Известувањето за склучена спогодба за присоединување

Спогодба

Ве известуваме дека со Решение од 20.02.2024 година на Централниот регистар на Република Северна Македонија извршена е предбележба на Спогодбата за присоединување составена во форма на нотарски акт со ОДУ бр.187/23 од 20.12.2023 година, од нотар Ана Весова од Скопје, во врска со присоединувањето на Акционерско друштво за осигурување ВИНЕР – Виена Иншуренс Груп Скопје  како Друштво што се присоединува кон Акционерско друштво за осигурување и реосигурување МАКЕДОНИЈА Скопје – Виена Иншуренс Груп,како Друштво што презема.

Со почит,

Акционерско друштво за осигурување

ВИНЕР – Виена Иншуренс Груп Скопје

Спогодба за присоединување

Тимот на ВИНЕР – Виена Иншуренс Груп АД Скопје, во насока на поддршка на децата со канцер и нивните родители, на 07.07.2023 година зеде учество во „Едукативниот летен камп на децата со канцер и нивните мајки“ во одморалиштето на Црвениот Крст во Струга.

На настанот тимот на ВИНЕР – Виена Иншуренс Груп АД Скопје одржа обука со цел мајките на децата со канцер да бидат поконкурентни на пазарот за труд и им понуди на сите заинтересирани мајки да им обезбеди помош при стекнувањето на знаење во областа на осигурувањето и истовремено да ги сноси сите трошоци за стекнување Лиценца за застапник во осигурувањето за нив.
Во насока на прифаќање, почитување и инклузија во секојдневните општествени активности, ВИНЕР – Виена Иншуренс Груп АД Скопје континуирано ги поддржува сите иницијативи со цел подобрување на секојдневието на сите.

ВИНЕР – Виена Иншуренс Груп АД Скопје како компанија е ориентирана кон поддржување на Целите за одржлив развој (SDG) и во насока на нивна промоција, со оваа активност придонесе кон исполнување на SDG број 1 – „Сузбивање на сиромаштијата“, SFG број 5 – „Родова еднаквост“, SDG 8 – „Одржлив инклузивен економски развој“ и SDG број 10 „Намалена нееднаквост”.

По повод светскиот ден на животната средина – 5 јуни, Друштвото за осигурување ВИНЕР – Виена Иншуренс Груп АД Скопје одржа еко акција во повеќе градови низ земјата, како една од мерките против загадување на природата под мотото #BeatPlasticPollution, во која учествуваа вработените и менаџментот на Друштвото, а во насока на изнаоѓање решенија против загадувањето со пластичен отпад. Со одржување на еко акцијата, Друштвото, преку спроведување на политиките на Виена Иншуренс Груп, уште еднаш ја потврдува својата заложба за подобрување на животната средина, со поттикнување на свестта кај граѓаните за заштита на природата и создавање на одржлива иднина за следните генерации. Друштвото, во насока на одговорно општествено работење и водејќи се според правото на чиста и здрава животна средина како фундаментално граѓанско право, чие целосно и доследно почитување претставува услов за подобро здравје, има за цел да постави нови, повисоки стандарди во своето корпоративното управување и да придонесе за поквалитетен и подолг живот на граѓаните. Светскиот ден на животната средина е креиран од Генералното собрание на Обединетите нации во 1972 година на првиот ден од Конференцијата на ОН за животна средина, а се прославува од 1974 година во повеќе од 140 земји во светот и има за цел да ги охрабри луѓето ширум светот да преземаат чекори за заштита на животната средина и да водат грижа за планетата.

Статусна промена – присоединување, при што Акционерското друштво за осигурување ВИНЕР – Виена Иншуренс Груп Скопје (како друштво што се присоединува) ќе се присоедини кон Акционерското друштво за осигурување и реосигурување МАКЕДОНИЈА Скопје – Виена Иншуренс Груп (како друштво што презема).

Известување за статусна промена – присоединување

Во насока на подигнување на свеста за водење на здрав и активен живот, ВИНЕР – Виена Иншуренс Груп АД Скопје, учествуваше во седмото издание на традиционалната трка “СКОПЈЕ ТРЧА”, која се одржа на 07.05.2023 година во Скопје.
Честитки до сите учесници!

Тимот на ВИНЕР – Виена Иншуренс Груп АД Скопје, во насока на зголемување на свеста за лицата со посебни потреби, меѓу кои и лицата со аутизам, на 07.05.2023 година зеде учество во одбележувањето на денот на аутизмот.
За таа цел, тимот на ВИНЕР – Виена Иншуренс Груп АД Скопје на настанот „Играме заедно пак“, преку дружба, насмевки и прегратки, сподели многу љубов со учесниците и стекна многу нови пријателства.
Во насока на прифаќање, почитување и инклузија во секојдневните општествени активности, ВИНЕР – Виена Иншуренс Груп АД Скопје континуирано ги поддржува сите активности и иницијативи со цел подобрување на секојдневието на лицата со посебни потреби, меѓу кои и лицата со аутизам затоа што сите ги заслужуваме истите права.
Нашата компанија ориентирана кон подржување на Целите за одржлив развој (SDG) и во насока на нивна промоција, со оваа активност придонесе кон исполнување на SDG број 3 – „Добро здравје и благосостојба и SDG број 10 “Намалена нееднаквост”.

По повод Глобалната недела на парите со годинешна тема „Планирај ги своите пари, гради ја својата иднина!“ (Plan your money, plant your future), учениците од втора година во СЕПУГС „Васил Антевски -Дрен“ го посетија седиштето на ВИНЕР – Виена Иншуренс Груп АД Скопје, со цел запознавање на учениците со делокругот на работењето на Друштвото.

Учениците, во директна комуникација со Претседателот на Управниот одбор Климе Попоски и секторските директори, беа информирани како се реализираат процеситe во една осигурителна компанија, при што имаа можност подетално да се запознаат со целокупниот процес на работа и активностите во еден работен ден.

На овој начин, преку несебично споделување на знаења и едукацијата на младите, ВИНЕР – Виена Иншуренс Груп АД Скопје во континуитет продолжува да помага во одржлив развој на општеството.