На 19.12.2017 година, Европската бизнис асоцијација чиј Претседател е Претседателот на УО на Винер – Виена Иншуренс Груп АД Скопје, д-р Нарашанов, организираше прием по повод новогодишните и божиќните празници.

Особено задоволство беше да се види големиот број на претприемачи, бизнисмени и директори кои успеаа да ги разменат идеите за подобрување на бизнисите и генерално бизнис климата, што би резултирало со унапредување на поединечните резултати, а секако и на резултатите на бизнис заедницата во земјава.

Покрај големиот број на компании, на приемот се појавија и вицепремиерот за економски прашања, д-р Кочо Анѓушев и ЕУ амбасадорот во Македонија г-динот Самуел Жбогар, кои покрај д-р Нарашанов имаа свое обраќање на присутните.

Овој прием беше доволна потврда дека Винер во текот на 2017 година уште повеќе ја зацврсти лидерската позиција во рамки на бизнис заедницата, што претставува поттик за продолжување на yспешната приказна на компанијата со уште подобри резултати и задоволни клиенти.

Изминатите две недели, околу 500 деца на вработените од компаниите под закрила на Виена Иншуренс Груп, се дружеа, се забавуваа и посетуваа работилници во рамки на веќе традиционалниот ВИГ Камп за деца кој се оддржува во Виена и околината.

Дечињата поминаа 2 недели, преполни со организирани активности во четирите кампа – во кампот во градот, во кампот на село, во кампот на планина и во кампот на езеро. Беа организирани прошетки, спортски активности и забавни игри и натпревари. Како и секоја година, и оваа, меѓу активностите имаше и такви поврзани со општествена одговорност, со цел децата уште од најмала возраст да се запознаат со важноста на солидарноста и посветеноста кон активности за подобрување на општествените услови за сите категории граѓани.

Па така, децата од Македонија, заедно со врсниците од Албанија и Романија имаа можност да им го разубават денот на старите лица од домот Колпингхаус, кој се наоѓа во Леополдштад дистриктот во Виена. Тие подготвија настапи со ииграње, песни, магионичарски трикови и композици изведени на пијано.

За прв пат оваа година, беше одржана и работилница за фотографија, а дечињата имаа можност да направат сопствени фотографии на тема „Мир во светот“ кои ќе бидат испратени на познатиот конкурс за фотографија – Alfred Fried Photography Award, со што фотографиите направени на кампот влегуваат во конкуренција за освојување награда вредна 1.000 евра.

Инаку, учесниците на Детскиот камп секоја година се избираат помеѓу децата на вработените во компаниите под закрила на Виена Иншуренс Груп, кои имаат помеѓу 9 и 13 години. За да се стекнат со право на учество, децата треба да достават цртеж на однапред дефинирана тема, па потоа жири комисија избира 500 најдобри цртежи и нивните автори се поканети на двонеделниот камп за деца во Виена.

Овогодинешните активности можете да ги видите на вебстраницата – https://www.vigkidscamp.com/

На 29.06.2017 година, Европската бизнис асоцијација раководена од д-р Нарашанов, Претседател на УО на Винер – Виена Иншуренс Груп АД Скопје, имаше средба со економскиот тим на Владата на РМ предводен од вицепремиерот за економски прашања, д-р Кочо Анѓушев и Министерот за финансии во Владата на РМ, д-р Драган Тевдовски.

На оваа значајна средба, на која присуствуваа претставници на компаниите-членки на Европската бизнис асоцијација, беше разговарано за клучните прашања поврзани со осигурување на поволна бизнис клима за компаниите во Република Македонија, во насока на креирање на економска политика која би обезбедила услови за унапредување на работењето на бизнис заедницата во земјава, како еден од двигателите на економијата кај нас од неколку аспекти.

На овој начин Винер Осигурување, уште еднаш ја потврди својата лидерска позиција во рамки на бизнис заедницата, како и грижата за општата бизнис клима во Македонија.

Акционерското друштво за осигурување Винер – Виена Иншуренс Груп информираше дека по фантастичната 2016 година во која забележале рекордни 800 милиони денари полисирана премија, компанијата продолжува со одлични остварувања и во 2017 година. По сумирањето на деловните резултати од Q1 од оваа деловна година, од Винер соопштија дека ја зголемиле профитабилноста за речиси 50% споредено со првиот квартал од минатата година.

Со ова, продолжува континуираниот раст на компанијата, која од година во година остврува раст во сите сегменти на работењето. Од појавата на брендот Винер и влегувањето на Виена Иншуренс Груп на домашниот осигурителен пазар, компанијата успеа да ги зголеми приходите дури за 4 пати, а забележа и повеќекратен пораст на бројот на вработени, како и бројот на продажни места кој достигна над 80.

„Нашиот континуиран и стабилен раст е производ на постојаното вложување во регрутација на експерти од областа на осигурувањето на кои им овозможуваме најдобри услови за работа и напреден систем на награди и бонуси. Истовремено, максимално сме посветени на обука и развој на млади талентирани кадри за кои вратите на нашата компанија се постојано отворени. Паралелно со овие процеси, засилено работевме да ги приближиме нашите услуги на граѓаните преку внимателно избрани локации и беспрекорна услуга, кои денес ги има во секој град во државата“ – изјави Генералниот директор на Винер, г-дин Зоран Нарашанов.

Инаку, Винер Осигурување за прв пат се појави на осигурителниот пазар во 2008 година, како прва компанија во сопственост на најмоќната осигуителна групација во Централна и Источна Европа – Виена Иншуренс Груп. Винер стана препознатлив на пазарот по брзата услуга на клиентите, динамичното решавање и исплаќање на штетите, како и по подароците со секоја извадена полиса. Компанијата лани ја исплати и најголемата единечна штета во историјата на македонското осигурување.

Винер осигурување како компанија е целосно посветена на континуирано обезбедување на супериорна услуга за клиентите, што подразбира и приспособливост на работното време на нивните можности. Од таа причина, уште неколку филијали на Винер го проширија своето работно време и на сабота со цел да бидат уште подостапни за клиентите.

Станува збор за 4 филијали во исто толку градови, кои од март почнуваат да работат согласно следниве работни времиња:

–          Битола 6 – од понеделник до петок  08.30 – 16.30, сабота  09.00-14.00
–          Велес 2, Ресен и Скопје-Сарај  – од понеделник до петок  08.00 – 16.00, сабота  09.00-14.00

Со тоа, овие филијали се приклучија на Дирекцијата на Винер и филијалите Битола 1, Битола 4, Битола 5, Струмица 1, Тетово 2, Гостивар 4, Кичево, Куманово 1, Куманово 2 и Скопје-Чаир 1 кои исто така, работат во сабота. Точните локации на филијалите и нивните контакти можете да ги најдете на овој линк.

Веќе подолго време го бележиме интересот и на граѓаните, но и на вработените во нашите филијали, осигурителните услуги да бидат на располагање и во привиот ден од викендот, поради динамичната работна недела и праксата токму во овој ден да се завршуваат поголемиот дел од административните обврски. Затоа се надеваме дека на овој начин на граѓаните уште повеќе ќе им ги направиме нашите услуги подостапни, а со тоа ќе им помогнеме послободно да располагаат со своето време.

Во изборот на Најпопуларните брендови за 2016, кој се оддржа на 17.02.2017 во ресторанот „Гламур“ во Битола, компанијата Винер Осигурување ја доби наградата за најпопуларен бренд меѓу осигурителните компании. Изборот традиционално го организираше Телевизија Орбис од Битола, а настанот беше посетен од голем број видни личности од Битола и регионот.

Ова е второ вакво признание за Винер, по минатогодишната награда за Најдобра осигурителна компанија во избор на Битолски Весник, со што уште еднаш се потврди високото реноме на компанијата во Пелагонискиот регион.

Инаку во Битола работат дури 6 филијали на Винер Осигурување, кои од година во година бележат одлични реултати, излегуајќи во пресрет на зголемениот интерес на граѓаните за продуктите на компанијата. Промовирајќи ги деловните принципи на брендот, кои се темелат на супериорна услуга на клиентите и динамично решавање на штетите, тимот на Винер во Битола заслужено е на врвот меѓу осигурителните компании во овој регион.

Наградата добиена на манифестацијата Најпопуларни брендови е мотивација повеќе за нашите вработени да продолжат со одличната услуга на клиентите во секој поглед и да го задржат реномето на најпочитувана осигурителна компанија во овој регион и пошироко.

Покрај присуството на наши вработени од битолските филијали, на настанот беа поканети и најлојалните клиенти на компанијата од Битола, со што уште еднаш им се укажа благодарност на подарената доверба.

На 7-то по ред доделување на наградите за најдобри веб-страници во Македонија, кое се одржа во Македонската опера и балет, Винер Осигурување доби награда за најдобар сајт во категоријата Најдобар сајт за Финансиски услуги.

Наградите беа доделувани според неколку критериуми, во избор на жири комисија, која ги оценуваше сајтовите според нивните технички параметри, дизајнот, функционалноста, содржината и интерактивноста. Во категоријата Финансиски услуги, Банкарство и Осигурување, Винер ја освои втората награда, зад НЛБ Тутунска Банка.

Својата нова веб-страница Винер ја промовираше во октомври 2016 година. Истата е прилагодена на потребите на клиентите во динамичното секојдневие кое се потпира на дигиталниот пристап до услуги и информации. Веб страницата изобилува со функционалности кои ќе им помогнат на клиентите при пресметка на цената на нивното осигурување, при пронаоѓање на најблиската локација на Винер, пријавата на штети, добивање на било каква информација и закажување термин и локација за подигнување на полиса за да се заштеди нивното време.

Од Винер најавуваат и збогатување на содржините со онлајн продажба на полиси, пред сѐ патничко и домаќинско осигурување во најскоро време.

Инак, изборот на Сајт на Годината е проект кој има за цел да ги промовира, развива и поддржува интернет медиумите и севкупното интернет издаваштво во Македонија. Сајт на Годината ги адресира сите прашања поврзани со електронскиот медиум и простор во Македонија. Мисијата на оваа манифестација е да го подигне нивото на електронскиот медиумски простор во Македонија преку препознавање и наградување на најдобрите остварувања од разни области на електронското издаваштво и развој на интернет културата во Македонија.

На 17-ти ноември во Скопје, во салата Сити Хол, се одржа Годишната конференција на Винер Осигурување. На конференцијата присуствуваа околу 200 вработени од над 80 филијали на компанијата.

Од страна на директорите на соодветните области беа представени тековните резултати, новитетите во поглед на процесите и бизнис моделите, како и најновите технолошки унапредувања на компанијата. Клучната информација презентирана на конференцијата беше дека во тековната 2016 година е остварена рекордна полисирана премија, која до крајот на годината ќе ја надмине бројката од 800 милиони денари, што е најдобар резултат во историјата на компанијата.

На Конференцијата беа доделени и 10 награди во исто толку категории за вработените, како поддршка и уважување на одличните резултати прикажани во изминатата година.

Во насока на подигнување на деловната култура во рамки на компанијата, беа поканети и гости предавачи кои зборуваа на актуелни теми, важни за унапредување на работното секојдневие. Петар Лазаров од МАМА`s зборуваше за напредни продавачки вештини, додека Даниел Трбогазов од МојТренер.мк оддржа предавање за здрава исхрана, правилно седење и вежби наменети за луѓе кои најголемиот дел од работнот време го поминуваат во седење.

По повод јубилејот на СОС Детско село Македонија, кое слави 15 години постоење и посветена работа, грижа и љубов кон децата без родители и децата во социјален ризик, Винер Осигурување и Шпаркасе Банка покренаа голема донаторска акција проследена со волонтерски активности на вработените од двете компании за подобрување на условите за штитениците од селото.

Оваа акција е во склоп на стратегијата на Управата на СОС Детско село оваа година главен акцент да стави на подобрување на животните услови на децата, реновирање на семејните куќи, промена на прозорци, фасади и сл. активности кои се од голема важност за подобрување на квалитетот на живеење на овие деца кои се најранлива група во општеството.

За таа цел, Винер Осигурување заедно со Шпаркасе Банка Македонија ја обезбедија потребната финансиска поддршка за бојадисување на внатрешните ѕидови на 11 семејни куќи, со што се овозможи освежување, дезинфекција и разубавување на животниот простор на децата. Почетокот на оваа донаторска акција беше обележен со посета на вработените од овие две компании на СОС Детско село, каде заедно со децата ги бојадисаа оградите и детскиот забавен парк, го уредија дворот со садници, имаа заеднички појадок и многу дружење.

Винер Осигурување во континуитет ја продолжува и развива својата стратегија за општествена одговорност преку реализација на бројни проекти кои се наменети за поддршка на социјално ранливи категории на лица, децата без родители и родителска грижа, старите лица, како и развојот на спортот и културата во државата. Соработката со СОС Детско село ја започнуваме за прв пат оваа година и са надеваме дека ќе продолжи и во иднина.

На 16 јуни во палатата Кајзерхаус во Виена, организацијата Македонија2025 одржа прием чија цел беше да се зближат и запознаат претставници на професионалната македонска дијаспора од Европа и да се промовираат можностите за инвестирање и соработка во Република Македонија. Приемот беше одбележан со присуство на над 100 гости и говорници кои исполнуваат важни функции во светски институции, банки, финансиски и осигурителни друштва, како и претставници на домашни компании и странски инвестиции во Македонија.

Имајќи го предвид значајот на оваа манифестација за унапредувањето на економскиот сектор, како и фактот дека Винер е една од најуспешните инвестиции во Македонија, токму со Австриски капитал, ни беше чест и задоволство да бидеме спонзори на оваа манифестација.

Настанот го отвори ко-основачот на Македонија2025 и успешен претприемач од Канада со македонско потекло, Џон Битов Помладиот. Тој го потенцираше развојот на организацијата во една од водечките која работи во полза на економскиот напредок на Република Македонија.

Приемот во Виена беше одраз на деловните односи помеѓу Македонија и Австрија кои траат повеќе од дваесет години. Со цел да се прошири добрата соработка, на настанот се одржаа и три панел дискусии на кои беа претставени можностите за инвестирање во Македонија од перспектива на инвеститори, беа претставени успешни македонски приказни во бизнис светот глобално, а се разговараше и за потребата од формално и неформално конструктивно промовирање на Македонија пред светот.

На настанот присуствуваше и делегација на Винер Осигурување, а Членот на Управниот одбор на компанијата, м-р Дејан Михајлов ја прими посебната благодарница за поддршката што компанијата ја даде во организацијата на приемот.