Предмет на осигурувањето од одговорност претставува законската одговорност на осигуреникот за штета што предизвикала смрт, повреда на телото или здравјето, како и оштетување или уништување на предмети на трети лица. Покриени се штети кои ќе настанат од Вашата дејност и активност, од поседување на објекти и предмети, од правен однос како извор на опасност. Воедно, покриени се штети кои се последица од закуп или плодоуживање на земјиште, згради и простории кои се користат за одвивање на дејноста.
Ако посебно се договори со ова осигурување може да се покрие :
- кражба и исчезнување на предмети;
- загадување на вода и тло;
- користење, односно поседување, закуп или плодоуживање на : земјиште, згради и простории, коишто се користат исклучиво за потребите на осигурена дејност или занимање;
- одговорност на инвеститор и изведувач на градежни работи;
- чисто имотна штета.
Одговорност за “чисто имотна штета“ подразбира дека, со Вашата активност и работење или одреден Ваш пропуст сте нанеле матерјална загуба на трето лице, без да го загрозите неговиот живот и здравје или неговиот имот.
За да изработиме полиса за осигурување од општа одговорност потребно е да го знаеме видот на дејност кој го врши осигурениот субјект, бројот на вработени, просечната нето плата и висината на покритие (сума на осигурување).
Цената на полисата зависи од параметрите кои ги споменавме погоре - сумата на покритие, бројот на вработени во фирмата и просечната нето плата.
Потребни документи за пријава на штетата
- Пријава на штета
- Број на полиса
- Документ за процена на штета
