Почитувани,

Ве известуваме дека активно ги следиме настаните и актуелните случувања во земјата и во регионот поврзани со COVID-19 вирусот.

Апелираме за упатување прашања, консултации и дописи до Винер – Виена Иншуренс Груп АД Скопје, да не се доаѓа лично во просториите на компанијата, Тоа може да се оствари преку е-пошта: winner@winner.mk, на телефонскиот број 02/15999, на Вибер: +38978666646, како и преку профилите на компанијата на социјалните мрежи.

Ве информираме дека работното време на архивата е скратено и документи може да се доставуваат во периодот од 10:00 до 13:00 часот и воедно апелираме истите да се доставуваат на електронската пошта winner@winner.mk (или доколку се потребни оригиналите, на адреса Бул. Борис Трајковски бр.62 по пошта).

Потсетуваме дека полиси може да се вадат електронски на https://webshop.winner.mk/, а пријава на штета може да се изврши електронски на веб-страницата https://prijavisteta.winner.mk/, без потреба од доаѓање во просториите на Винер Осигурување.

Како општествено одговорна компанија, преземаме мерки за превентива и заштита на своите вработени, како и обезбедување континуитет во работата за непречено обезбедување на услугите кон нашите корисници.

Со почит,

Винер – Виена Иншуренс Груп АД Скопје

Почитувани клиенти,

Согласно препораките и усвоените мерки за превенција од ширење на корона вирусот, а со цел превенција и заштита на клиентите и вработените, Винер осигурување апелира:
– на што е можно поедноставен, поефикасен и побрз процес при вадење на полиси и пријава на штета
– за што е можно пократко задржување во канцелариите при вадење на полиси и пријава на штета,
– избегнување наблиски контакти и ракување (одржување на препорачаното растојание со вработените и останатите присутни во канцеларијата),
– користење на електронските начини за комуникација и функционирање, и тоа:

• пријава на штета
• полиса за автомобилска одговорност
• полиса за патничко осигурување 
• електронска пошта
• веб страницата на компанијата
• социјалните мрежи на компанијата на facebook, instagram и linkedin

Контакт центарот (02/15999) е на располагање за сите ваши потреби поврзани со осигурувањето, како и колегите во нашите канцеларии на телефонските броеви

Винер осигурување се грижи за своите вработени, клиенти и секако за здравјето на сите.

Ви благодариме за разбирањето, вниманието и времето одвоено за ова известување, како и за придржувањето кон препораките и мерките бидејќи здравјето е нешто за кое треба сите да се грижиме.

Со почит,

Друштво за осигурување

Винер – Виена Иншуренс Груп Скопје

Околу 500 деца од 23 различни европски земји се вратија дома со импресии од незаборавните две недели учествувајќи во разновидните програми на 10от по ред Детски камп, што Виена Иншуренс Груп традиционално го организира за дечињата на своите вработени. Низ многу спортски активности, забава и игри најмладите стекнаа нови пријатели и се дружеа во четирите кампови лоцирани во Стреберсдорф во Виена, Вагрејн во Салцбург, Сибоден во Каринтија и Марија-Ланковиц во Стирија.

Убавините на Австрија и нејзината култура дечињата ги искусија преку разновидни стимулативни активности кои вклучуваа пешачење по планини и глечери, откривање на солените и сталактитни пештери и посета на пензионерски домови каде тие им ги разубавија деновите на старите лица, но и истовремено се едуцираа за Австриската култура и историја.
На огромна радост, дечињата ги покажаа и своите таленти и интереси на организираното талент шоу на кое победи нашиот Михаил Анакиев од Виница, воодушевувајќи ги сите присутни со својата пијано изведба.

Ова беа незаборавни денови за сите дечиња кои се во исчекување на следното заедничко дружење.
И оваа година децата на вработените на ВИГ, на возраст помеѓу 9 и 13 години, беа поканети да учествуваат со своја фотографија на конкурсот „Фотографија на мирот“, а најкреативните записи беа наградени со покана за учество на Детскиот камп. Истовремено, со своите фотографии дечињата конкурираа и на Alfred Fried Photography Award, за годишната награда „ Детска фотографија на мирот“ во износ од 1000 еур.

Иновативно дигитално решение за клиентите на ВИНЕР – Виена Иншуренс Груп АД

ВИНЕР – Виена Иншуренс Груп АД на почетокот на април го пушти во употреба првото софтверско решение на осигурителниот пазар во државата кое нуди целосно дигитално пријавување на штети. Отсега клиентите на Винер Осигурување имаат можност преку своите компјутери и смартфони да пријават секаков вид на штета, на лесен и едноставен начин и во кое било време, со истовремено единствена можност за увид во статусот на пријавената штета.
Онлајн пријавата на штета се врши преку мобилната апликација Winner Osiguruvanje достапна на Playstore и Appstore како и преку веб платформата prijavisteta.winner.mk. Преку само неколку брзи и лесни чекори, без оглед дали штетата настанала во моментот или претходно, клиентите веднаш добиваат известување дека нивното барање се обработува.
– Во брзо и динамично општество клиентите бараат едноставен, висококвалитетен и ефективен осигурителен процес, од купувањето на полисата, до решавање на штетите. Дигитализираните корисници не сакаат чекање во ред и повеќешалтерски системи, туку нивните барања да бидат реализирани онлајн. Нашата апликација за пријава на штети им го овозможува токму тоа, следејќи го водичот за пријава да ги прикачат соодветните документи и фотографии, да добијат известувања, да го проверат статусот на штетата или пак да добијат соодветна стручна помош и совет во моментот на настанување на штетата или потребата од осигурување преку четот на Винер.
Клиентите се секогаш на врвот на нашите приоритети, па затоа апликацијата е една нова рута за обезбедување на подобра, побрза, поефикасна и посовршена услуга на сите наши клиенти без исклучок – вели М-р Михајлов, член на Управниот одбор на компанијата, носител и креатор на ова решение.
Со дигитализацијата на производите и процесите, ВИНЕР – Виена Иншуренс Груп АД на своите клиенти, не само што им обезбеди можност да купат онлајн полиси за Автомобилска одговорност (за регистрација на возилото) и полиси за Патничко осигурување, туку и комплетна онлајн пријава на штета по сите видови на осигурување. Станувајќи пионери во државата во имплементирањето на софтверот за пријава на штети и прифаќајќи го предизвикот, ВИНЕР – Виена Иншуренс Груп АД го доби второто место во рамките на Xelerate програмата на Виена Иншуренс Груп која оценувајќи го проектот како успешен и значаен за Македонскиот пазар, одлучи да го финансира истиот.
Винер – Виена Иншуренс Груп АД Скопје продолжува и понатаму со трендот на грижа за своите клиенти, и секако брзата исплата на штети со транспарентен и фер однос кон клиентите, за што говори и бројката за најмалку неисплатени штети. Пуштањето на ова апликативно решение чија цел е зголемување на задоволството на клиентите, особено на оние кои се фокусирани на онлајн комуникацијата ќе доведе и до уште помал број на неисплатени штети.

Долгогодишни континуирани позитивни резултати, препознатливост на ВИНЕР – Виена Иншуренс Груп АД како лидер на осигурителниот пазар, висок степен на професионалност на менаџментот, одржување на ниво на професионална култура на вработените со фокус на посветеност на клиентот и генерирање на резултати, беа силен мотив Надзорниот одбор на ВИНЕР – Виена Иншуренс Груп АД повторно да ја даде довербата на сегашните членови на Управниот одбор на ВИНЕР – Виена Иншуренс Груп АД.

Реизборот на членовите на Управниот одбор е потврден и со согласност од Агенцијата за супервизија на осигурување за период од четири години.

Како главен двигател на постигнувањата на ВИНЕР – Виена Иншуренс Груп АД, Управниот одбор на Друштвото ги истакнува лојалноста, чесноста, посветеноста и беспрекорната услуга од вработените и менаџерскиот тим насочена кон клиентите, кои се секогаш во фокусот на работењето на Друштвото.

Управниот одбор на ВИНЕР – Виена Иншуренс Груп АД наведе дека долгорочен одржлив раст и развој на Друштвото е возможен само преку напорна работа, посветеност кон клиентот, развој на производите и остварување на позитивни резултати кои остануваат главна и крајна цел во работењето.

Пред неполни две недели беше одржан дводневниот Самит на менаџери на ВИГ во Виена, Австрија, на кој присуствуваа членовите на Управниот Одбор на Винер како компанија која иако е мала во споредба со останатите во групацијата, е навистина почитувана поради извонредните резултати кои ги остварува.

На конференцијата која се одржа во историската зграда позната како куќа на домовите на Долна Австрија, палатата Niederösterreich, беше дискутирано и беа опфатени значајни елементи од аспект на стратешките предизвици со фокус на авто бизнисот, менување на искуството на клиентите, планирањето и VIG Excelerate натпреварот.

Гала вечерта пак која ѝ претходеше на конференцијата се одржа во Weltmuseum Wien, познат како најголем антрополошки музеј во Австрија со повеќе од 400.000 етнографски и археолошки предмети од Азија, Африка, Океанија и Америка, основан во 1876 година, а лоциран во едно од крилјата на Кралската палата Хофбург.

Овој настан е од големо значење за сите членки на ВИГ.

„ Изминативе 10 години успеавме да креираме интелигентни и рационални осигурителни решенија за нашите клиенти и да ја освоиме нивната доверба преку нашата супериорна услуга, професионалност, посветеност и етика. Постојано ја зголемуваме нашата продажна мрежа, одржувајќи 90 филијали на територијата на Македонија и продолжуваме да ги услужуваме клиентите на најдобар можен начин, затоа што тие се во нашиот секојдневен фокус.

Продолжуваме да функционираме како чесна, искрена, модерна и ефикасна компанија, која е асоцијација за осигурување на пазарот. Нашиот раст и развој ќе продолжи преку зајакнување на личните и продажните решенија, а тоа е она што нѐ води кон просперитетна корпоративна средина, отворена за сите професионалци во областа и за сите млади талентирани лица кои имаат амбиција да изградат кариера во осигурителниот бизнис“ – изјавува нашиот Генерален Директор, Зоран Нарашанов, во интервјуто за списанието XPRIMM – Романија.

Нашиот директор е еден од ретките лидери чие интервју е објавено во оваа реномирана публикација за осигурителните пазари на Централна и Источна Европа, Турција и Русија. Истото можете во целост да го прочитате на следниов линк: https://xprimm.com/Zoran-NARASANOV-CEO-WINNER-Vienna-Insurance-Group-Macedonia-articol-120,121-12427.htm

Запазувајќи ја традицијата, Виена Иншуренс Груп и оваа година организираше незаборавно дружење за дечињата на вработените во групацијата, во четирите австриски кампови: Стререберс – Виена, Вагрејн – Салцбург, горниот австриски град Лод Гојсерн, и Зеходен – Каринтија.

Деновите на децата од 23 националности беа исполнети со многу авантури, спортски и забавни игри, егзотични искуства, но и едукативни активности. Развивање на чувствата на солидарност, социјална свест, взаемно разбирање и несебична грижа и тимски дух беа вредностите кои дечињата ги осознаваа преку заеднички игри и дружења.

И оваа година, покрај пешачењето по планините и глечерите, откривањето на солените и сталактитни пештери и разгледувањето на Виена, Салцбург и Клагенфурт, младите посетија неколку пензионерски домови во Австрија каде имаа можност да ги анимираат и да им го направат различно и поинтересно секојдневието на старите лица. Децата од Македонија, Молдавија, Романија, Украина, Грузија, Албанија и Косово со свои интересни настапи на традиционални песни и танци и пијано изведби ги развеселија станарите на домот Колпингхаус во Леополштад дистриктот во Виена.

Учесници на деветтиот по ред Детски камп беа 500 деца на вработените во компаниите на Виена Иншуренс Груп на возраст помеѓу 9 и 13 години, кои по доставување на нивната сопствена фотографија на тема “Фотографија на мирот”, беа избрани од страна на жири комисија како млади креативци со најкреативни 500 фотографии. Фотографиите од дечињата беа испратени и на конкурсот за фотографија Alfred Fried Photography Award, а осум од нив влегоа во потесен круг за годишната награда „Детска фотографија на мирот“ која што изнесува 1000 евра.

Водени од директивите на Vienna Insurance Group за дигитална трансформација на компаниите во рамките на целата групација, Винер Осигурување го прифати предизвикот на програмата VIG Xelerate  и изработи бизнис план за софтверско  решение кое ќе им понуди понапреден  и истовремено безбеден, лесен и брз пристап на клиентите до услугите на компанијата. Носител и креатор  на ова биснис решение е М-р Дејан Михајлов додека одговорна во делот на ИТ имплементација Г-ѓа Милка Џутеска-Митевска.

Горди сме што нашето иновативно решение во дигиталниот простор на групацијата беше позитивно поздравено како едно од најдобрите во рамките на VIG Xelerate програмата. Веруваме дека сме пионери во воведувањето на овој софтвер во Македонија, кој несомнено ќе го подобри искуството на клиентите.  Наградата што ја добивме е само поголем поттик што побрзо да го имплементираме истиот во нашето работење и презентираме пред јавноста – изјави  М-р Михајлов, член на Управниот одбор на Винер Осигурување.

Иницијативата Xelerate е дел од стратегиската визија на VIG за дигитален развој во компанијата која ќе ги подобри процесите, ќе ја зголеми достапноста и ќе го стави клиентот на прво место. Од сите пријавени членки на групацијата кои ги претставија своите идејни решенија пред Надзорниот Одбор на VIG, за својата иновација Винер Осигурување го освои второто место и од страна на членовите на Надзорниот одбор на VIG беше забележан квалитетот и иновативноста на софтверското решение и со тоа доби целосно финансирање на проектот од страна на групацијата.

Поставени нови стандарди во обработката и исплатата на штети на домашниот осигурителен пазар.

Водејќи се од важноста на навремена, брза и реална исплата на штети, како и од нашата мисија да бидеме пример за стандардите на стручност, професионалност и етичност на пазарот, горди сме што сме лидери во ефикасноста на обработка и исплата на штети настанати од пожар и други опасности и што воведуваме нови стандарди на домашниот осигурителен пазар.

Од крајот на 2017 година, воведовме нов систем во решавањето на штети во кој на нашите клиенти им обезбедивме целосна обработка на нивните побарувања во рок од 24 часа по пријава на штетата.
Процесот на пријава не е променет, односно по настанокот на осигурениот случај клиентите можат да ја пријават штетата во најблиската филијала на ВИНЕР, по пат на телефонскиот број 15-999 или преку електронска пошта.
Клиентите треба да пополнат формулар во кој целосно ќе ја опишат ситуацијата која довела до настанот и да ја приложат целосната документација со која располагаат за истиот.
По пријавата, во текот на денот, а најдоцна следниот работен ден, тим составен од искусни и вредни стручни лица врши процена и собирање податоци за настанот.
Потоа, се врши калкулација на висината на трошоците за санација и отстранување на штетата, а по прифаќање на истата се извршува исплата.
Сето наведено се одвива во рок од 24 часа кога клиентот ја доставува цела потребна документација или до обезбедувањена целосната потребна документација за штетниот настан.

Брзото решавање на штети се одвива и кај штетни настани од поголеми размери за што ке ви посочиме два последни примери за штети настанати од пожар:
За нашата посветеност и енергичност во решавањето на штетите и последиците од пожар и други опасности дозволете да Ви посочиме два примера од почетокот на воведувањето на новиот стандард.

Градежен факултет – Скопје
Датум на пријава: 04.12.2017
Спогодба за надомест на штета: 07.12.2017
Пожар во центарот на градот на објект Градежен факултет.

Поради непристапниот терен возилата на Противпожарната бригада, иако навреме интервенирале, тешко се пробиваат до местото на настанот и пожарот е од поголеми размери. Зафатени од пожарот се последниот кат и покривот на објектот. Од гасењето е предизвикана дополнителна материјална штета со поплавување на долните спратови.

ГФ-011

ГФ-005

ГФ-004

ГФ-006

ГФ-009

ГФ-002

ГФ-008

ГФ-010

ГФ-007

ГФ-001

ГФ-003

Семејна куќа во Скопје
Датум на пријава: 01.02.2018
Спогодба за надомест на штета: 06.02.2018

Семејна барака со надградба во населба во Скопје.
Пожарот избувнал навечер поради дефект во електрична инсталација. Бидејки се работи за барака пожарот е раширен многу брзо и настаната е тотална штета на целата куќа.

КЛ-001

КЛ-002

КЛ-003

КЛ-004

КЛ-005

КЛ-006

КЛ-007

КЛ-009

КЛ-010

КЛ-011

КЛ-012

За воведувањето на новиот стандард при работењето, членот на Управниот одбор, м-р Дејан Михајлов изјави „На нашите клиенти во моментите на несигурност сакаме да им обезбедиме доверлив партнер кој во најкус рок ќе им ги реши оштетните побарувања без разлика на комплексноста на материјата и согласно условите на осигурување.
ВИНЕР прв на пазарот ја препозна важноста на брзата и реална исплата на штети на осигурениците. Нашата долгогодишна пракса да ги сослушаме и препознаеме барањата и потребите на луѓето повторно резултираше со унапредување на работењето, а сè со цел на задоволни и спокојни клиенти. Имањето полиса во Винер осигурување значи транспарентност, безбедност и брз и професионален процес на решавања на побарувањата.“.